రోహిత్ తో విభేదాలు? కోహ్లీ ఏమన్నాడంటే
national | Suryaa Desk | Published : Wed, Dec 15, 2021, 03:50 PM
రోహిత్ శర్మతో తనకు ఎటువంటి విభేదాలు లేవని టీమిండియా టెస్టు జట్టు కెప్టెన్ విరాట్ కోహ్లీ తెలిపాడు. బుధవారం కోహ్లీ ముంబైలో మీడియాతో మాట్లాడాడు. టెస్టు జట్టును ఎంపిక చేసుకోవడానికి కేవలం గంటన్నర ముందు మాత్రమే తనను బీసీసీఐ కాంటాక్ట్ చేసినట్లు కోహ్లీ తెలిపాడు. వన్డే కెప్టెన్సీ నుంచి తనను బీసీసీఐ తప్పించడంపై కోహ్లీ స్పందించాడు. టీ20 కెప్టెన్సీ వదులుకునే ముందు తాను బీసీసీఐకి చెప్పానని, బీసీసీఐ దాన్ని స్వాగతించినట్లు కోహ్లీ తెలిపాడు. అయితే వన్డేలకు, టెస్టులకు కెప్టెన్గా కొనసాగేందుకు సిద్దంగా ఉన్నట్లు అప్పట్లో చెప్పానని కోహ్లీ గుర్తు చేశాడు.
ఈ నేపథ్యంలో రోహిత్, కోహ్లీ మధ్య కోల్డ్వార్ నడుస్తున్నట్లు వచ్చిన వార్తలపై కూడా కోహ్లీ స్పందించాడు. రోహిత్ శర్మతో తనకు ఎటువంటి విభేదాలు లేవని, అతడి కెప్టెన్సీలో ఆడటానికి సిద్ధంగా ఉన్నట్లు తెలిపాడు. కెప్టెన్గా రోహిత్ శర్మ ఎంపిక సరైందేనని, విశ్రాంతి తీసుకునే ఆలోచన లేదని చెప్పాడు. సౌతాఫ్రికా టూర్లో ఆడతానని, వన్డేలు ఆడటానికి చాలా ఆసక్తితో ఉన్నట్లు కోహ్లీ చెప్పాడు.
|
|