లోన్ కావాలా అయితే పిల్లల్ని కన్నండి...చైనాలో వింత పథకం

యావత్తు ప్రపంచాన్ని శాసించాలని యోచిస్తున్న చైనాకు ఇపుడు ఓ వింత సమస్య వెంటాడుతోంది. దీంతో ఆ సమస్య పరిష్కారం కోసం వింత పథకాలను కూడా చైనా  ప్రభుత్వం తీసుకొస్తోంది. ప్రపంచ జనాభాలో తొలిస్తానంలోనున్న చైనా  మరింత జనాభా పెంచే దిశగా యోచిస్తోంది.  దీనికి కారణం లేకపోలేదు. ఇదిలావుంటే జనాభా నియంత్రణ కోసం  ఒకపుడు కఠిన నిర్ణయాలు తసుకొన్న చైనా ఇపుడు పిల్లల్నీ కన్నండొవ్ అంటోంది. చైనా ఇప్పుడు తన పంథాను మార్చుకుని జనాభా పెరుగుదలపై దృష్టి పెట్టింది. డబ్బులు ఇచ్చి మరీ పిల్లల్ని కనమంటోంది. కొన్నేళ్లుగా అక్కడ జనాభా పెరుగుదల రేటు తగ్గిపోయింది. భవిష్యత్తులో యువత శాతం భారీగా పడిపోయే ప్రమాదం కనిపిస్తుంది. దీంతో పిల్లలను కనండంటూ ప్రభుత్వం వెంటపడుతుంది. పిల్లల్ని కనడానికి లోన్లు కూడా అందిస్తుంది. జనాభా పెంపుదల కోసం అన్ని ప్రయత్నాలను మమ్మురం చేయాలని యోచిస్తోంది.  జిలిన్ ప్రావిన్స్ ప్రభుత్వం పెళ్లి చేసుకుని, పిల్లలను కనాలనుకునే వాళ్లకు రెండు లక్షల యువాన్‌లు (రూ.25 లక్షలు) అందిస్తోంది. దీనికోసం అక్కడ బ్యాంకులకు సపోర్ట్ చేయాలనే యోచనలో కూడా ప్రభుత్వం ఉంది. దీనికి సంబంధించిన సన్నాహాలు చేస్తోంది. అలాగే మ్యారేజ్, బేబీ లోన్‌లపై కట్టే వడ్డీల్లో భారీగా డిస్కౌంట్ ఇవ్వాలని భావిస్తోంది. ఒక వేళ అప్పటికే పిల్లలు ఉన్న దంపతులు ఏదైనా వ్యాపారం చేస్తుంటే పన్నులో మినహాయింపు ఇచ్చే ప్రతిపాదనలు కూడా సిద్ధం చేస్తోంది.

ఇదిలావుంటే ఒకపుడు  చైనాలో జనాభా నియంత్రణ కోసం కఠినమైన ఆంక్షలు అమల్లో ఉండేవి. ఒకరినే కనాలని నిబంధనను సీరియస్‌గా అమలు చేసి 40 కోట్ల జననాలను నివారించగలిగింది. దీనివల్ల అక్కడ వృద్ధుల సంఖ్య పెరిగి యువత సంఖ్య తగ్గిపోయే ప్రమాదం ఏర్పడింది. పని చేసే వయస్సు గల జనాభా తగ్గిపోతే ఆర్థికంగా చాలా ప్రభావం పడే ముప్పు ఉందని గ్రహించిన చైనా జననాల రేటును పెంచడంపై ఫోకస్ పెట్టింది. వన్ చైల్డ్ పాలసీని రద్దు చేసి ఇద్దరు పిల్లలను కనొచ్చని, ముగ్గురు పిల్లలను కనొచ్చనే కొత్త సవరణలు చేసింది. కానీ అనుకున్నంత వేగంగా అక్కడ మార్పు కనిపించడం లేదు. దీంతో ఇఫ్పుడు పిల్లల్ని కనడానికి రుణాలు అందించేందుకు ప్రభుత్వం సిద్ధపడింది.