అమెరికాల మళ్లీ అతలాకుతలం కానున్నాదా...?
international | Suryaa Desk | Published : Thu, Dec 30, 2021, 12:11 AM
కరోనా ఫస్ట్, సెకండ్ వేయ్ లో అమాంతంగా నష్టపోయిన అమెరికాకు మరో ప్రమాదం పొంచివుందా అంటే అవుననే చెబుతున్నారు ఆరోగ్య నిపుణులు. అగ్రరాజ్యం అమెరికాలో కరోనా వైరస్ కొత్త కేసులు సునామీని సృష్టిస్తున్నాయి. ఉప్పెనల ముంచెత్తుతున్నాయి. ఒక్కరోజు వ్యవధిలోనే కొత్తగా నాలుగున్నర లక్షల కరోనా వైరస్ పాజిటివ్ కేసులు నమోదు కావడం కలకలం రేపుతోంది. 24 గంటల వ్యవధిలో 4,41,278 లక్షల కేసులు రికార్డయ్యాయి. ఈ మేరకు సెంటర్ ఫర్ డిసీజ్ కంట్రోల్ అండ్ ఇన్ఫెక్షన్స్ వెల్లడించింది. తాజా డేటాను విడుదల చేసింది. ఒక్కరోజులో ఈ స్థాయిలో కోవిడ్ కేసులు నమోదు కావడం ఇదే తొలిసారి. ఈ నెల 20వ తేదీన అత్యధికంగా 2,90,000 కేసులు నమోదయ్యాయి. ఇప్పటిదాకా ఇదే సింగిల్ డే రికార్డ్. గత ఏడాది కరోనా వైరస్ వ్యాపించడం మొదలైన తొలి రోజుల్లో గరిష్ఠంగా 2,94,015 కేసులు రికార్డయ్యాయి. ఈ రెండింటినీ బద్దలు కొట్టాయి తాజా కేసులు. నాలుగున్నర లక్షల వరకు వెలుగు చూశాయి. రోజువారీ కరోనా వైరస్ కేసుల పెరుగుదలకు ఒమిక్రాన్ కారణమౌతోంది. 58.6 శాతం మేర ఒమిక్రాన్గా తేలుతోందని సీడీసీ వెల్లడించింది.
|
|