నేను ఆరోగ్యంగా ఉన్నాను: ఎమ్మెల్యే మేకపాటి
Andhra Pradesh Telugu | Suryaa Desk | Published : Fri, Dec 31, 2021, 09:51 PM
ఉదయగిరి నియోజకవర్గ శాసనసభ్యులు మేకపాటి చంద్రశేఖర రెడ్డి గుండె పోటు రావడంతో గత మూడు రోజుల క్రితం బెంగళూరులోని ఆస్ట్రా వైద్యశాలలో చికిత్స పొంది శుక్రవారం డిశ్చార్జ్ అయ్యారు.
ఈ సందర్భంగా వైద్యశాల నుండే ఆయన ఒక వీడియో విడుదల చేశారు. ప్రజలెవరూ ఆందోళన చెందవద్దని తాను వైద్యశాల నుండి డిశ్చార్జ్ అయినట్లు, వైద్యుల సలహా మేరకు పది రోజుల పాటు విశ్రాంతి తీసుకోవాల్సి ఉందన్నారు.
నూతన సంవత్సర వేడుకలకు ఉదయగిరికి రాలేకపోతున్నందుకు బాధగా ఉందని, సంక్రాంతి పర్వదినానికి ఉదయగిరి ప్రజలకు అందుబాటులో ఉంటానన్నారు. ఈ సందర్భంగా నియోజకవర్గ ప్రజలకు, నాయకులకు, కార్యకర్తలకు, అధికారులకు, ప్రజాప్రతినిధులకు ఆయన నూతన సంవత్సర శుభాకాంక్షలు తెలియజేశారు.
తన ఆరోగ్యం పట్ల బాధపడుతున్న కార్యకర్తలు, నాయకులకు ఆయన ఈ సందర్భంగా దైర్యం తెలిపారు. ప్రజలెవరూ అధైర్య పడవద్దని తాను సంపూర్ణ ఆరోగ్యం గానే ఉన్నట్లు ఆయన తెలియజేశారు.
|
|