ట్రెండింగ్
వైసిపి ప్రభుత్వానికి జనసేన అల్టిమేట్
Andhra Pradesh Telugu | Suryaa Desk | Published : Mon, Jan 03, 2022, 12:30 AM
జగన్ ప్రభుత్వానికి జనసేన పార్టీ అల్టిమేటం జారీ చేసింది. నష్టపోయిన రైతులను ఆదుకునేందుకు జగన్ సర్కార్కు జనసేన పార్టీ అల్టిమేటం జారీ చేసింది. సంక్రాంతి పండుగ లోపు రైతు సమస్యలను పరిష్కారించాలని డెడ్లైన్ విధించింది. అప్పటి లోపు స్పందించకపోతే ఆ తర్వాత జనసేన పార్టీ అధ్యక్షుడు పవన్ కళ్యాణ్ స్వయంగా రంగంలోకి దిగనున్నట్లు ప్రకటించింది. ఈ మేరకు జనసేన పీఏసీ చైర్మన్ నాదెండ్ల మనోహర్ కీలక వ్యాఖ్యలు చేశారు. గుంటూరు జిల్లాలో పంట నష్టపోయిన రైతులను ఆదివారం నాదెండ్ల మనోహర్ పరామర్శించారు. అనంతరం మనోహర్ మీడియాతో మాట్లాడుతూ.. సంక్రాంతి లోపు ధాన్యం కొనుగోలు చేసి, నష్టపోయిన రైతులకు భరోసా కల్పించాలని జగన్ ప్రభుత్వాన్ని డిమాండ్ చేశారు. లేని పక్షంలో సంక్రాంతి వెళ్లిన మొదటి వారంలోనే జిల్లా కేంద్రాల్లో దీక్షలు చేపడతామని హెచ్చరించారు.
|
|