ట్రెండింగ్
జగన్ ప్రభుత్వం కక్ష కట్టింది
Andhra Pradesh Telugu | Suryaa Desk | Published : Mon, Jan 03, 2022, 12:31 AM
జగన్ ప్రభుత్వం కక్ష కట్టిందని మాజీ ఉప ముఖ్యమంత్రి కేఈ కృష్ణమూర్తి భావోద్వేగానికి గురయ్యారు. తమపై పగతో రగిలిపోతున్నారని భావోద్వేగం చెందారు. రాష్ట్రంలోనే అత్యంత సీనియర్ నేతగా ఉన్న కేఈ కృష్ణమూర్తి కంటతడి పెట్టుకోవడంతో అక్కడ ఉన్న వారంతా మౌనంగా ఉండిపోయారు. కర్నూలు జిల్లా కృష్ణగిరి మండలం కంబాలపాడులో టీడీపీ కార్యకర్తలతో మాజీ డిప్యూటీ సీఎం కేఈ కృష్ణమూర్తి ఆదివారం సమావేశం నిర్వహించారు. ఈ సందర్భంగా టీడీపీ కార్యకర్తలతో కేఈ కృష్ణమూర్తి మాట్లాడుతూ.. భావోద్వేగానికి గురై కంటతడి పెట్టారు. వైసీపీ ప్రభుత్వం తమపై కక్ష సాధిస్తోందని, పగతో రగిలిపోతోందని ఆవేదన వ్యక్తం చేశారు. అయితే, తమపై వైసీపీ ఎంత కసి పెంచుకున్నా.. వచ్చే ఎన్నికల్లో గెలిచేది టీడీపీనే అని కేఈ స్పష్టం చేశారు.
|
|