గన్స్ పట్టుకొని అశ్లీల నృత్యాలు
national | Suryaa Desk | Published : Tue, Feb 08, 2022, 11:37 AM
పవిత్రమైన వసంత పంచమి రోజున బీహార్ లో కొంతమంది మహిళలు గన్స్ పట్టుకుని అశ్లీల నృత్యాలు చేశారు. ఈ ఘటన ఆలస్యంగా వెలుగులోకి వచ్చింది. సివాన్ జిల్లాలోని బీబీనగర్ పోలీస్ స్టేషన్ సమీపంలో ఈ రికార్డింగ్ డ్యాన్స్ తరహాలో జరిగిన అగ్లీ నృత్యప్రదర్శనల వీడియోలు సోషల్ మీడియాలో చక్కర్లు కొడుతున్నాయి. ఇద్దరు మహిళలు మగాళ్ల మధ్యలో చిందులు వేస్తున్నారు. ఒక మహిళ చేతిలో తుపాకి కూడా ఉంది. గన్ ని చూపిస్తూ డీజే పాటలకు ఆ మహిళలు డ్యాన్స్ చేశారు. సివాన్లో ఉండే కొందరు పెద్ద మనుషులే ఈ తరహా వినోద కార్యక్రమానికి శ్రీకారం చుట్టినట్లుగా వీడియోని చూస్తే అర్ధమవుతోంది.
డ్యాన్స్ చేస్తున్న మహిళల చుట్టూ కొందరు చేతిలో కరెన్సీ నోట్ల కట్టల్ని పట్టుకొని వాటిని వారిపై విసురుతున్నారు. కొందరు నోట్లను వాళ్ల పెదాలకు తగిలిస్తూ ఆనందం పొందారు. ఈ అసభ్యకరమైన ప్రదర్శనలను పక్కనే ఉన్న కొంతమంది ఫోన్లలో రికార్డ్ చేసుకున్నారు. పోలీస్ స్టేషన్ కి కూతవేటు దూరంలో ఇలా జరుగుతుంటే పోలీసులు పట్టించుకోకపోవడం ఏమిటనే విమర్శలు వినిపిస్తున్నాయి. సోషల్ మీడియా ద్వారా అగ్లీ డ్యాన్స్ వీడియో బయటకు రావడంతో స్థానిక పోలీసులు చిందులేసిన మహిళల దగ్గరున్న తుపాకులు ఎక్కడివి? లైసెన్స్ గన్ ల లేక డమ్మీవా? ఈ కార్యక్రమాన్ని ఎవరు నిర్వహించారు అని ఆరా తీస్తున్నారు.
|
|