ఫ్యామిలీతో శ్రీవారిని దర్శించుకున్న బండ్ల గణేష్‌

చిన్నప్పటి నుంచీ సినిమాలు చూస్తూ సాగిన బండ్ల గణేశ్ చిత్రసీమలో రాణించాలని పరుగులు తీశారు. వచ్చాక ఇక్కడ ఏ పనైనా చేస్తాననే నమ్మకంతో అడుగుపెట్టారు.అలా కె.యస్.రామారావు క్రియేటివ్ కమర్షియల్స్ లో ప్రొడక్షన్ లో బాయ్ గా చేరారు. తరువాత తనకున్న నటనాభిలాషతో కొన్ని సినిమాల్లో బిట్ రోల్స్ లోనూ కనిపించారు. ఎస్.వి.కృష్ణారెడ్డి తెరకెక్కించిన వినోదంలో హీరో శ్రీకాంత్ స్నేహితుని పాత్రలో కాసింత గుర్తింపు సంపాదించారు.పలు చిత్రాలలో కామెడీ రోల్స్ చేస్తూ ప్రేక్షకులు గుర్తు పట్టేలా చేసుకున్నారు. ప్రొడక్షన్ లో అనుభవం ఉండడం వల్ల కొంతమంది మిత్రుల సహాయసహకారాలతో చిత్ర నిర్మాణం చేపట్టారు. తొలి ప్రయత్నంగా రవితేజతో ఆంజనేయులు నిర్మించి, నిర్మాతగానూ మార్కులు సంపాదించారు. తరువాత తాను అన్నా అని అభిమానంగా పిలుచుకొనే పవన్ కళ్యాణ్ తో తీన్ మార్ అనే రీమేక్ తీశారు. అది అంతగా అలరించలేదు.

ఆ పై మరోమారు పవన్ కళ్యాణ్ తోనే గబ్బర్ సింగ్అనే రీమేక్ తో బంపర్ హిట్ పట్టేశారు. ఆ బ్లాక్ బస్టర్ తో నిర్మాతగా గణేశ్ పేరు మారుమోగింది. జూనియర్ యన్టీఆర్ తో బాద్ షా, టెంపర్, అల్లు అర్జున్ హీరోగా ఇద్దరమ్మాయిలతో, రామ్ చరణ్ తో గోవిందుడు అందరివాడేలే, సచిన్ తో నీ జతగా నేనుండాలి వంటి చిత్రాలు నిర్మించారు. వీటిలో కొన్ని చిత్రాలు బాక్సాఫీస్ వద్ద సత్తా చాటాయి.సినిమాలు, రాజకీయాలువంటి విషయాలతో వార్తలలో నిలుస్తూ ఉండే బండ్ల గణేష్ రీసెంట్‌గా తిరుమల శ్రీవారిని దర్శించుకున్నారు. అనంతరం మొక్కులు చెల్లించుకున్నారు.బండ్ల గణేష్‌తో పాటు ఆయన తనయుడు కూడా తిరుమలకు వెళ్లగా, కుమారుడిని చూసిన గణేష్ అభిమానులు షాక్ అవుతున్నారు. హీరో లక్షణాలు ఉన్నాయని కామెంట్స్ చేస్తున్నారు.రీసెంట్‌గా నసేనలో నేను లేనా..? అని బండ్ల గణేష్ ట్వీట్ చేయడంతో మరోసారి ఆయన పొలిటికల్ ఎంట్రీపై వార్తలు గుప్పుమంటున్నాయి. "చిరంజీవి గారు జనసేన లోకి రావాలి పార్టీని అధికారం లోకి తేవాలి. మెగాస్టార్ స్టామినా ఏంటో చూపించాలి. అంధకారం లో ఉన్న ఏపీ ప్రజలను ఆదుకోవాలి. రాముడు లోని సౌమ్యం మీరు లక్ష్మనుడి లోని తెగింపు తమ్ముడిది. ఇద్దరు కలిస్తే శ్రీరామ రాజ్యం అవుతుంది. జై జనసేన జై పవన్ కళ్యాణ్" అని ఒక అభిమాని చేసిన ట్వీట్ కి బండ్ల గణేష్ మరి నేను అంటూ రిప్లై ఇచ్చాడు.