పెరిగిన పసిడి ధర....ఎంతో తెలుసా

గత వారం రోజులుగా స్థిరంగా ఉంటూ.. లేదంటే పడుతూ వచ్చిన బంగారం ధరలు ఈరోజు మాత్రం పైకి చేరాయి. పసిడి రేటు ఏప్రిల్ 2న పెరిగింది. 24 క్యారెట్ల బంగారం జిగేల్ మంది. రూ.490 పెరిగింది. 10 గ్రాములకు రూ.52,470కు చేరింది. అలాగే బంగారు ఆభరణాలు తయారు చేసే 22 క్యారెట్ల బంగారం రేటు రూ.48,100కు పెరిగింది. ఇందులో రూ.450 పెరుగుదల నమోదు అయ్యింది. బంగారం ధరలు అంతర్జాతీయ మార్కెట్‌లో భారీగా తగ్గాయి. గోల్డ్ రేటు 1.3 శాతం తగ్గింది. దీంతో పుత్తడి రేటు ఔన్స్‌కు 1923 డాలర్లకు క్షీణించింది. ఇక సిల్వర్ రేటు కూడా ఇంతే. దీని ధర 1.51 క్షీణతతో ఔన్స్‌కు 24.75కు తగ్గింది. ప్రపంచ మార్కెట్‌లో బంగారం ధరలు తగ్గినా కూడా మన దేశంలో పసిడి రేట్లు పెరగడం చెప్పుకోదగ్గ అంశం. సాధారణంగా గ్లోబల్ మార్కెట్‌లో రేట్లు పెరిగితే మన దగ్గర కూడా ధరలు పైకి చేరతాయి. అయితే ఈసారి మాత్రం అలా జరగలేదు. అమెరికా డాలర్ బలపడటం ఇందుకు కారణంగా చెప్పుకోవచ్చు. అమెరికా కరెన్సీ పుంజుకోవడంతో సురక్షితమైన ఇన్వెస్ట్‌మెంట్ సాధనంగా చెప్పుకునే పుత్తడిపై ప్రతికూల ప్రభావం పడింది. దీంతో అంతర్జాతీయ మార్కెట్‌లో రేట్లు దిగి వచ్చాయి. ఇకపోతే రానున్న వారాల్లో బంగారం ధరలు భారీగా పెరిగే ఛాన్స్ ఉందని నిపుణులు అంచనా వేస్తున్నాయి. రష్యా ఉక్రెయిన్‌పై యుద్ధాన్ని కొనసాగించే అవకాశం ఉందని నిపుణులు చెబుతున్నారు. దీన్ని ఎదుర్కోవడానికి ఉక్రెయిన్ కూడా సిద్ధంగా ఉందని తెలుస్తోంది. దీని వల్ల రానున్న వారాల్లో బంగారం ధరలకు రెక్కలు రావొచ్చని షేర్ ఇండియా వైస్ ప్రెసిడెంట్ (హెడ్ ఆఫ్ రీసెర్చ్) రవి సింగ్ తెలిపారు. ఎంసీఎక్స్ మార్కె్ట్‌లో రూ.52,300 టార్గెట్‌తో రూ.51,900 వద్ద బంగారం కొనుగోలు చేయొచ్చని పేర్కొన్నారు. అలాగే రూ.51,700 దిగువకు వస్తే విక్రయించాలని సూచించారు. గంగానగర్ కమోడిటీ ఏవీపీ (రీసెర్చ్ కమొడిటీస్) అమిత్ ఖారే మాట్లాడుతూ.. రష్యా ఉక్రెయిన్ ఉద్రిక్తతల నడుమ మార్కెట్లలో తీవ్ర ఒడిదుడుకులు ఉన్నాయన్నారు. టెక్నికల్ చార్ట్ ప్రకారం చూస్తే.. గోల్డ్, సిల్వర్ బలహీనంగా ఉన్నాయని తెలిపారు. మొమెంటమ్ ఇండికేటర్ ఆర్ఎస్‌ఐ కూడా ఇదే విషయాన్ని తెలియజేస్తోంది. అందువల్ల ట్రేడర్లు నిరోధ స్థాయికి దగ్గర కొత్త సెల్ పొజిషన్‌ను క్రియేట్ చేసుకోవాలని సూచించారు. జూన్ గోల్డ్ క్లోజింగ్ ప్రైస్ రూ.52,166. సపోర్ట్ 1-రూ.51,700, సపోర్ట్ 2 - 51,250. నిరోధం 1 - రూ.52,200, నిరోధం 2- రూ.52,600. 20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.