ఆ బ్యాంకుల్ల రూపాయికంటే తక్కువ వడ్డీకే రుణం

బ్యాంకు వడ్డీ అన్న అయ్యో బాబోయ్ అంటారు ఎవరైనా. కారణం వడ్డీరేట్లు. ఇదిలావుంటే 

డబ్బులతో అవసరం పడిందంటే ప్రతి ఒక్కరూ దాదాపు ముందుగా చేసే పని పర్సనల్ లోన్ తీసుకోవడం. అర్హత కలిగిన వారు సులభంగానే వ్యక్తిగత రుణాలు పొందొచ్చు. అంతేకాకుండా ఎలాంటి తనఖా పెట్టాల్సిన పని లేదు. అందుకే చాలా మంది ముందుగా పర్సనల్ లోన్ కోసం చూస్తారు. ఇంటి మరమత్తులు, పిల్లల చదువు, పెళ్లి, చిన్న రుణాల చెల్లింపు, ట్రావెలింగ్ ఇలా ఇతరత్రా వాటి కోసం పర్సనల్ లోన్ పొందొచ్చు. లోన్ అప్రూవల్ వచ్చిన తర్వాత కొన్ని గంటల్లోనే డబ్బులు బ్యాంక్ అకౌంట్‌లోకి వచ్చేస్తాయి. కొంత మంది 1 నుంచి 2 రోజుల వరకు కూడా టైమ్ తీసుకోవచ్చు. అలాగే ఎమర్జెన్సీ అవసరాల కోసం కూడా ఈ డబ్బులను ఉపయోగించుకోవచ్చు. ఇంకా పర్సనల్ లోన్స్‌పై తక్కువ వడ్డీ రేట్లు ఉన్నాయి. దీంతో ఇవి చాలా పాపులర్ అయ్యాయని చెప్పుకోవచ్చు. కొన్ని బ్యాంకులు కొంత మందికి ప్రిఅప్రూవర్డ్ రుణాలు కూడా అందిస్తుంటాయి. బ్యాంకులు డెట్ టు ఇన్‌కమ్ రేషియోను పరిగణలోకి తీసుకుంటాయి. దీని ద్వారా రుణ మొత్తాన్ని నిర్ణయిస్తాయి. ఇంకా క్రెడిట్ స్కోర్‌కు కూడా అధిక ప్రాధాన్యం ఉంటుంది. లోన్ తీసుకోవాలని భావించే మరో విషయం తెలుసుకోవాలి. బ్యాంక్ ప్రాతిపదికన రుణ రేట్లు కూడా మారుతూ ఉంటాయి. అలాగే ప్రాసింగ్ ఫీజు, హిడెన్ చార్జీలు, రీపేమెంట్ ఫ్లెక్సిబిలిటీ వంటి అంశాలను కూడా గమనించాలి. సాధ్యమైనంత వరకు తక్కువ వడ్డీ రేటు ఉన్న బ్యాంక్‌లో రుణం తీసుకోవడం ఉత్తమం అని చెప్పుకోవాలి. బ్యాంక్ బజార్ ప్రకారం ఏ బ్యాంక్‌లో ఎంత వడ్డీ రేటు ఉందో తెలుసుకుందాం. ఇండియన్ బ్యాంక్‌లో తక్కువ వడ్డీకే రుణం లభిస్తోంది. వడ్డీ రేటు 8.5 శాతం నుంచి పడుతుంది. యూనియన్ బ్యాంక్‌, సెంట్రల్ బ్యాంక్, పీఎన్‌బీ వంటి వాటిల్లో అయితే 8.9 శాతం వడ్డీ రేటు ఉంది. ఐడీబీఐ బ్యాంక్‌లో 9.5 శాతం వడ్డీ పడుతుంది. ఎస్‌బీఐ అయితే 9.6 శాతం ప్రారంభ రేటుతో రుణాలు ఆఫర్ చేస్తోంది. బ్యాంక్ ఆఫ్ బరోడా, ఐఓబీలో అయితే 10 శాతం వడ్డీ రేటు ఉంది. కాగా బ్యాంకులు వడ్డీ రేటును సవరిస్తూ ఉండొచ్చు.