విద్యార్థుల పట్ల అసభ్యంగా ప్రవర్తించిన ఉపాధ్యాయుడు
Andhra Pradesh Telugu | Suryaa Desk | Published : Tue, Apr 05, 2022, 11:40 AM
కోసిగి మోడల్ స్కూల్ లో విద్యార్థుల పట్ల అసభ్యంగా ప్రవర్తించిన ఉపాధ్యాయులు ప్రవీణ్ కుమార్ ని స్పెండ్ చేయాలని టిఎన్ఎస్ఎఫ్ ఆధ్వర్యంలో ఎంఈఓ ప్రతినిధి, గర్ల్స్ హై స్కూల్ ప్రధానోపాధ్యాయులు నీలకంఠకి, మోడల్ స్కూల్ ఇంచార్జ్ మాదన్న కి వినతి పత్రం అందజేశారు.
ఈ సందర్భంగా తెలుగునాడు విద్యార్థి సమైఖ్య టిఎన్ఎస్ఎఫ్ కర్నూలు పార్లమెంట్ సభ్యులు మహాదేవ, ఏఐఎస్ఎఫ్ జిల్లా నాయకులు బి రాజు గారు మాట్లాడుతూ.. విద్యార్థినిల పట్ల అసభ్యంగా ప్రవర్తించిన ప్రవీణ్ కుమార్ ని వెంటనే సస్పెండ్ చేయాలని అలాగే ప్రవీణ్ కుమార్ కి వత్తాసు పలికిన మిగితా ఉపాధ్యాయుల పైన కూడా చర్యలు తీసుకోవాలన్నారు.
అసభ్యంగా ప్రవర్తించిన ఉపాధ్యాయుని పై చర్యలు తీసుకోవాల్సిన ప్రిన్సిపాల్ ప్రవీణ్ కుమార్ కి వత్తాసు పలకడం సిగ్గుచేటు అని ప్రిన్సిపాల్ నేటికీ కూడా ప్రవీణ్ కుమార్ పై ఇలాంటి చర్యలు తీసుకున్నారో తెలపడం లేదన్నారు. ప్రిన్సిపాల్ ఈరోజు స్కూల్ కి సెలవు పెట్టడం వలన ఫోన్ చేసి వివరణ కోరగా వారు మీరు ఎవరు అని మాత్రమే అడిగి మాట్లాడుకోకుండా ఉండి ఫోన్ కట్ చేయడం జరుగుతుందన్నారు.
ప్రవీణ్ కుమార్ కి వత్తాసు పలుకుతున్న ప్రిన్సిపాల్ సమీరారెడ్డి ని కూడా సస్పెండ్ చేయాలని విద్యార్థి సంఘాలు తరఫున డిమాండ్ చేయడం జరిగింది. ఈ కార్యక్రమంలో విద్యార్థుల తల్లిదండ్రులు, టిఎన్ఎస్ఎఫ్ తాలూకా ఉపాధ్యక్షులు రామచంద్ర నాయుడు, నాయకులు మహాదేవ, జయకృష్ణ, ఏఐఎస్ఎఫ్ తాలూకా అధ్యక్షులు వీరేష్, పిడిఎస్యు నాయకులు, విద్యార్థిని, విద్యార్థులు తదితరులు పాల్గొన్నారు.
|
|