పక్షులుకూ ఉంటుంది ఓ ప్రత్యేక ఆట...ఈ వీడియోనే ఆ ఆట గురించి చెప్పేస్తోంది

మనషులు ఆడే క్రీడలు ఎన్నో ఉన్నాయి. మరి పక్షులుకు అంటే వాటికి కొన్ని ప్రత్యేక క్రీడలు ఉన్నాయని తెలియజేసే వీడియో ఇటీవల వెలుగులోకి వచ్చింది. ఓ పెద్ద సరస్సులో పక్షులు వాటంతట అవే రాలిపోతున్న వీడియో ఒకటి ఇప్పుడు సోషల్ మీడియాలో వైరల్ అయ్యింది. ఆ వీడియోని గమనిస్తే... ఓ సరస్సుపై ఎగురుతున్న వందలకొద్దీ తెల్లటి పక్షులు... ఒక్కసారిగా ఆ సరస్సులోకి పడిపోయాయి. కరెంట్ షాక్ కొట్టినప్పుడు కాకి ఎలాగైతే... పై నుంచి పడిపోతుందో... అలా ఆ పక్షులు కూడా... ప్రాణం పోయిన వాటిలా... వేగంగా నీటిలో రాలిపోయాయి. ఇలా వందల పక్షులు చేసిన విన్యాసం ఆ వీడియోలో కనిపిస్తోంది. అవి తమ సరదాలో భాగంగా అలా చేశాయే తప్ప ఇందులో ఏ సమస్యా లేదు.

నీటిలోకి జారిన పక్షులు తిరిగి పైకి లేచి... సుడిగుండంలా అక్కడే తిరుగుతూ కనిపించాయి. అవి ఆనందంతో కిలకిలారావాలు పలికించాయి. ఆ వీడియోని IPS ఆఫీసర్ దీపాన్షు కబ్రా... ట్విట్టర్ లోని తన అకౌంట్ @ipskabraలో ఏప్రిల్ 8న పోస్ట్ చేశారు. ఆ వీడియోని ఇప్పటివరకు 23 వేల మందికి పైగా చూశారు. 1500 మందికి పైగా లైక్ చేశారు. 

దీపాన్షు కబ్రా... వీడియోని పోస్ట్ చేస్తూ... "పక్షి దళం చేస్తున్న కార్పెట్ బాంబింగ్ ప్రదర్శన" అని క్యాప్షన్ పెట్టారు. ఇక్కడ కార్పెట్ బాంబింగ్ అనేది ఎయిర్ ఫోర్స్ చేపట్టే భయంకరమైన చర్య. ఒకే ప్రాంతాన్ని టార్గెట్ చేసి.. ఏక కాలంలో ఎక్కువ బాంబులు వెయ్యాలి అనుకున్నప్పుడు వాయు సేన ఈ చర్యను చేపడుతుంది. యుద్ధం తీవ్రస్థాయికి చేరినప్పుడు, ఉగ్రవాదుల శిబిరాల్ని నాశనం చెయ్యాలి అనుకున్నప్పుడు ఇలాంటి దాడులు చేస్తుంది. ఫలితంగా... బీభత్సమైన బాంబుల దాడి జరుగుతుంది. వరుసపెట్టి వందల బాంబులు ఒకే ప్రాంతంలో ఒకేసారి పడతాయి. అలాంటి సమయంలో టార్గెట్ తప్పించుకునే అవకాశాలు ఉండవు. టార్గెట్ ప్రాంతంలో ఎవరు ఉన్నా చనిపోయే అవకాశాలు ఎక్కువగా ఉంటాయి. ఇక్కడ ఆ పక్షులు అదే విధమైన ప్రదర్శన ఇచ్చాయని దీపాన్షు కబ్రా క్యాప్షన్ వివరిస్తోంది. అందువల్లే ఈ వీడియో నెటిజన్లను ఆకర్షిస్తోంది. ఈ వీడియో చూసిన నెటిజన్లు ఆనందం వ్యక్తం చేస్తున్నారు. "ఈ ప్రకృతి అందమైనది" అని ఓ యూజర్ కామెంట్ ఇవ్వగా... "నిజంగా అద్భుతంగా ఉంది" అని మరో యూజర్ కామెంట్ ఇచ్చారు. "వావ్ ఎంత అందంగా ఉంది" అని మూడో యూజర్ స్పందించారు. "B2 బాంబర్" అని మరో యూజర్ కామెంట్ ఇచ్చారు.