ప్రాథమిక పాఠశాలలను ముక్కలు చేయొద్దు
Andhra Pradesh Telugu | Suryaa Desk | Published : Sun, Apr 10, 2022, 11:35 AM
ప్రాథమిక పాఠశాలలను ముక్కలు చేయొద్దని, 3, 4, 5 తరగతులను హైస్కూలులో విలీనం చేయరాదని కోరుతూ శనివారం ఆంధ్రప్రదేశ్ విద్యా పరిరక్షణ కమిటీ ఏపీఎస్ఈసీ, ఏఎఫ్ఆర్టిసీ పిలుపుమేరకు ఆదోని ఆర్డిఓ కార్యాలయం ముందు నిరసన కార్యక్రమం చేపట్టారు. డిటీఎఫ్ జిల్లా అధ్యక్షులు కరెకృష్ణ అధ్యక్షతన జరిగిన ఈ కార్యక్రమంలో డీటీఎఫ్ రాష్ట్ర కార్యదర్శి గోట్ల చంద్రశేఖర్, జిల్లా గౌరవాధ్యక్షులు మజహర్ బాష, జిల్లా ఉపాధ్యక్షుడు నాగరాజు గౌడ్, హనుమంతు, కరి బసప్ప, మల్లికార్జున, రాష్ట్ర నాయకులు తిరుమలేష్, మల్లికార్జున పాల్గొని మాట్లాడారు.
ప్రజాస్వామ్య, లౌకికవాదం, ఫెడరలిజంకి వ్యతిరేకంగా ఉన్న నూతన జాతీయ విద్యా విధానం 2020ను రద్దు చేయాలని, 3, 4, 5 తరగతుల విలీనం చేసే జీఓ85ను రద్దు చేయాలని, 4674 సెకండ్ గ్రేడ్ టీచర్ పోస్టులను రద్దు చేసే జీఓ 37ను రద్దు చేయాలని, విద్యను రాష్ట్ర జాబితాలో చేర్చాలని, ఆంగ్ల మాధ్యమానికి సమాంతరంగా తెలుగు ఉద్యమాన్ని కొనసాగించాలని, మూడు సంవత్సరాల నుంచి ఖాళీగా ఉన్న 25 వేల ఉపాధ్యాయ పోస్టులను భర్తీ చేయాలని డిమాండ్ చేశారు. అనంతరం సీనియర్ అసిస్టెంట్ రామచంద్రకు వినతి పత్రం అందజేశారు.
|
|