ఐదుగురు డిప్యూటీ సీఎంలు వారేనా?
Andhra Pradesh Telugu | Suryaa Desk | Published : Mon, Apr 11, 2022, 12:42 PM
ఏపీలో వైసీపీ అధికారం చేపట్టాక సీఎం జగన్ తన తొలి కేబినెట్లో ఐదుగురిని డిప్యూటీ సీఎంలుగా నియమించారు. తాజా కేబినెట్లో కూడా ఆ సంప్రదాయాన్ని కొనసాగించనున్నట్లు తెలుస్తోంది. తొలి కేబినెట్లో ఎస్సీ, మైనారిటీల నుంచి డిప్యూటీ సీఎంలు అయిన నారాయణస్వామి, అంజద్బాషాలను తిరిగి అదే హోదాలో నియమించ వచ్చని సమాచారం. ఎస్టీ కోటాలో పీడిక రాజన్నదొరను ఎంపిక చేసే ఛాన్స్ ఉన్నట్లు ప్రచారం సాగుతోంది. బీసీ కోటాలో ఇప్పటి వరకు డిప్యూటీ సీఎంగా వ్యవహరించిన ధర్మాన కృష్ణదాస్ తాజాగా పదవిని కోల్పోయారు. ఆయన సోదరుడు ధర్మాన ప్రసాదరావుకు జగన్ కేబినెట్లో చోటు దక్కింది. డిప్యూటీ సీఎం పదవి ఆయనను వరించనుందని వైసీపీ వర్గాలు చర్చించుకుంటున్నాయి. ఇక కాపు కోటాలో గత కేబినెట్లో ఆళ్ల నాని డిప్యూటీ సీఎంగా చేశారు. ప్రస్తుతం ఆయనను పదవి నుంచి తప్పించారు. ప్రస్తుతం అదే సామాజిక వర్గం నుంచి అంబటి రాంబాబు, దాడిశెట్టి రాజా, కొట్టు సత్యనారాయణ, గుడివాడ అమర్నాథ్ మంత్రులు కానున్నారు. వారిలో దాడిశెట్టి రాజా డిప్యూటీ సీఎంకు ఎంపికయ్యే అవకాశాలు ఎక్కువగా ఉన్నట్లు తెలుస్తోంది. దీంతో పాటు కొత్త కేబినెట్లో ఎవరికి ఏ శాఖ దక్కుతుందోననే ఉత్కంఠ నెలకొంది.
|
|