ట్రెండింగ్
విశాఖ ఏజెన్సీలో వింత వాతావరణం!
Andhra Pradesh Telugu | Suryaa Desk | Published : Mon, Apr 11, 2022, 01:02 PM
ఏపీలో ఎండలు మండిపోతున్నాయి. భానుడు రాష్ట్రమంతటా నిప్పులు కక్కుతున్నాడు. దీంతో పగటిపూట బయటకు రావాలంటేనే ప్రజలు భయపడుతున్నారు. అయితే రాష్ట్రమంతటా ఎండలు ఉంటే విశాఖ ఏజెన్సీలో మాత్రం వింత వాతావరణం దర్శనమిస్తోంది. మండు వేసవిలో కూడా ఇక్కడ వర్షాలు కురుస్తున్నాయి. ఉదయం పూట పొగమంచు కప్పేస్తోంది. అయితే సూర్యోదయం తర్వాత ఎండ తీవ్రత అధికంగానే ఉంటోంది. వారం రోజులుగా విశాఖ ఏజెన్సీలోని అరకులోయ, పాడేరు ప్రాంతాల పరిధిలో భారీ వర్షాలు కురుస్తున్నాయి. దీంతో వాగులు పొంగుతున్నాయి. చాపరాయి, కొత్తపల్లి జలపాతాలు మరింత నూతన శోభను సంతరించుకున్నాయి. ఫలితంగా అక్కడకు పర్యాటకులు పోటెత్తుతున్నారు. అయితే వర్షాల కారణంగా ముంపు ప్రాంతాల ప్రజలకు ఇబ్బందులు లేకుండా అధికారులు ఏర్పాట్లు చేస్తున్నారు.
|
|