కీవ్ విధుల్లో..జెలెన్‌స్కీ..బ్రిటన్ ప్రధాని

ఉక్రెయిన్ రాజధాని కీవ్ పట్టణంలో  తాజా పరిస్థితిపై ఉక్రెయిన్ దేశాధినేత జెలెన్‌స్కీ, బ్రిటన్ ప్రధాని పరిశీలించారు.  యుద్ధభూమి ఉక్రెయిన్‌లో...బ్రిటన్ ప్రధాని బోరిస్ జాన్సన్ పర్యటించారు. ఆ దేశ అధ్యక్షుడు జెలెన్‌స్కీతో కలసి రాజధాని కీవ్ వీధుల్లో తిరిగారు. యుద్ధంలో దెబ్బతిన్న వీధులను పరిశీలించారు. కొన్ని వారాల క్రితం రష్యా దళాలు ముట్టడించిన కూడళ్లలో నగరవాసులను పలకరించారు. వారితో కొంతసేపు సంభాషించారు. ఉక్రెయిన్ పౌరులకు ధైర్యాన్నిచ్చేందుకే తాను ఆకస్మికంగా విజిట్ చేశానని బోరిస్ చెప్పారు. అలాగే ఇలాంటి పరిస్థితుల్లో ఉక్రెయిన్‌కు అండగా నిలబడడం తమ విధి అని ఆయన అన్నారు.

జెలెన్‌స్కీతో కలసి వీధుల్లో తిరుగుతున్న బోరిస్‌ను.. జాన్సన్ అనే పౌరుడు కలిశారు. ఇలాంటి ఆపద సమయంలో దేశంలో పర్యటించేందుకు వచ్చినందుకు ధన్యవాదాలు తెలిపారు. ఈ సందర్భంగా మీకు సహాయం చేయడం మా అదృష్టమని బోరిస్ కూడా అన్నారు. "మిమ్మల్ని కలవడం ఆనందంగా ఉంది. మీకు అద్భుతమైన ప్రెసిడెంట్ జెలెన్‌స్కీ ఉన్నారు. మేము మరింతగా ఉక్రెయిన్ ప్రజలకు మద్దతునివ్వాలని కోరుకుంటున్నాం" అని బోరిస్ అన్నారు. అలాగే ఉక్రెయిన్‌కు మరింతగా ఆర్థిక, సైనిక సాయం అందిస్తామని ప్రకటించారు.

అంతకు ముందు కీవ్‌లో జరిగిన సమావేశంలో... వారి తరఫున ఉక్రెయిన్‌కు మరింత సాయం చేస్తామని బోరిస్ హామీ ఇచ్చారు. అదనంగా 130 మిలియన్ డాలర్ల సాయం అందిస్తామని హామీ ఇచ్చారు. ఈ మేరకు యూకే సాయుధ వాహనాలను, యాంటీ షిప్ క్షిపణి వ్యవస్థలను అందజేస్తుందని బోరిస్ జాన్సన్ ... జెలెన్‌ స్కీకి చెప్పారు. అలాగే ఒక ప్రకటనలో ఉక్రెయిన్ అధ్యక్షుడు జెలెన్ స్కీపై.. బోరిస్ ప్రశంసలు కురిపించారు. ఆయన నాయకత్వంలో ఉక్రెయిన్ ప్రజలు ధైర్యంగా పోరాడుతున్నారని వెల్లడించారు. అలాగే ఉక్రెయిన్ ప్రజల పోరాట పటిమను ఆయన మెచ్చుకున్నారు. ఇదిలావుంటే ఉక్రెయిన్‌లో రష్యా బలగాల దాడులు కొనసాగుతూనే ఉన్నాయి. చర్చల ద్వారా ఇరు దేశాల మధ్య యుద్ధం ముగిసి, శాంతి ఏర్పడుతుందనుకున్న ఆశలన్నీ ఆవిరయ్యాయి. ఈ యుద్ధ బీభత్సానికి ఉక్రెయిన్‌లో అమాయక ప్రజలు అల్లాడుతూనే ఉన్నారు.