భారతీయురాలి ప్రేమలో ఉక్రెయిన్..యుద్దం తరువాతే మా పెళ్లి అంటున్న ఉక్రెయిన్

ఉక్రెయిన్, రష్యా యుద్దం నేపథ్యంలో లవర్ల అంశం ఆసక్తికరంగా మారుతోంది. మధ్య అనేక ప్రేమ కథలు వెలుగులోకి వస్తున్నాయి. తాము మళ్లీ ప్రాణాలతో ఉంటామో? లేదోనని భావించిన కొందరు పెళ్లిళ్లు చేసుకుంటుండగా.. మరికొందరు యుద్ధం ముగిసిన తర్వాత వివాహం చేసుకోవాలని భావిస్తున్నారు. యుద్ధం మొదలైన తొలినాళ్లలో కొందరు వివాహం చేసుకుని.. దేశం కోసం యుద్ధానికి వెళ్లిన విషయం తెలిసిందే. తాజాగా, ఓ భారత్‌తో సంబంధం ఉన్న ఉక్రేనియన్ సైనికుడు భారతీయ ప్రేయసిని యుద్ధం ముగిసిన తర్వాత వివాహం చేసుకోవాలని భావిస్తున్నట్టు తెలిపాడు. భారతీయ యువతితో ప్రేమించిన అతడు.. తమ ప్రేమకు గుర్తుగా గొంతు, ఛాతీపై వేద మంత్రాలను పచ్చబొట్టుగా వేయించుకున్నాడు. రష్యా భీకర దాడుల కారణంగా పలువురు ప్రాణాలు కోల్పోతున్నారని, యుద్ధం ముగిసిన తర్వాత తాను ప్రేమించిన భారతీయ అమ్మాయిని పెళ్లి చేసుకుంటానని ఆ సైనికుడు చెప్పారు. యుద్ధం ముగిసి ప్రియురాలిని పెళ్లాడి ఎంతో సంతోషంగా జీవితం గడపాలని అతడు భావిస్తున్నాడు. ఆ ప్రేమికుడు కోరుకున్నట్టు యుద్ధం త్వరగా ముగింపు చేరుకోవాలని కోరుకుందాం.

కరోనా సమయంలో ప్రేమలో పడిన భారతీయ యువకుడు, ఉక్రెయిన్ యువతి ఇటీవలే ఢిల్లీ విమానాశ్రయంలో నిశ్చితార్థం చేసుకున్న విషయం తెలిసిందే. అలాగే, గత నెలలో చెకింగ్ పాయింట్‌లో ఓ సైనికుడు యువతికి ప్ర‌పోజ్ చేస్తున్న వీడియో నెట్టింట్లో చ‌క్క‌ర్లు కొట్టింది. యుద్ధం కంటే ప్రేమ చాలా బ‌ల‌మైంద‌ని చాటింది. ఒక చెకింగ్ పాయింట్ ద‌గ్గ‌ర సైనికులు కారుని ఆపి, తనిఖీలు చేస్తుండగా.. అందులో ఉన్న యువతికి ఓ సైనికుడు తన మోకాలిపై కూర్చొని ఆమె కాలిని తాకుతాడు.

వెన‌క్కి తిరిగి సైనికుణ్ణి చూసిన అమ్మాయి ఆశ్చర్యపోతుంది. త‌న ప్రేమ‌ను వ్యక్తిం చేసి, పెళ్లి చేసుకోమ‌ని అడుగుతున్న అతడిని కౌగిలించుకుని ఇద్ద‌రూ త‌మకు ఒక‌రిపై ఒక‌రికున్న ఇష్టాన్ని ముద్దుతో స్వీక‌రించడం వీడియోలో కనిపిస్తోంది. ఇక, బాంబులు, క్షిపణులతో రష్యా విరుచుకుపడుతుండటంతో ఇప్పటికే 4.3 మిలియన్ల మంది ఉక్రెయిన్‌ను వీడారు. అటు, తమపై యుద్ధం చేస్తున్న రష్యాతో ఉక్రెయిన్ దాదాపు అన్ని వాణిజ్య, వ్యాపార సంబంధాలను తెంచుకుంది.

యుద్ధానికి ముందు రష్యా నుంచి 6 బిలియన్ డాలర్ల విలువైన ఉత్పత్తులను ఉక్రెయిన్ దిగుమతి చేసుకునేది. తాము రష్యాతో పూర్తిగా వాణిజ్య బంధానికి స్వస్తి చెప్పినట్టు ఉక్రెయిన్ ఆర్దిక శాఖ మంత్రి యులియా స్వయరిడింకో ఫేస్‌బుక్ పేజ్‌‌లో శనివారం వెల్లడించారు. ‘‘దురాక్రమణదారుతో పూర్తిగా వాణిజ్యాన్ని బహిష్కరిస్తున్నట్టు అధికారంగా ఈ రోజు ప్రకటిస్తున్నాం... ఇప్పుడు నుంచి మా భూభాగంలోకి రష్యా ఉత్పత్తులను దిగుమతి చేసుకోం’’ అని ప్రకటించారు.