మంగళగిరిలో కదం తొక్కిన ఎర్ర జెండా

విద్యుత్ చార్జీల పెంపుకు మరియు కరెంట్ కోతలకు వ్యతిరేకంగా సీపీఐ నేతలు మంగళగిరి లో లాంతర్లతో నిరసన తెలిపారు. మంగళగిరి సిపిఐ పార్టీ ఆఫీస్ వద్ద నుండి శ్రీ మార్కండేయ కళ్యాణ మండపం వరకు సాగిన నిరసన ర్యాలీ నిర్వహించారు. ఈ సందర్భంగా సిపిఐ రాష్ట్ర కార్యదర్శి కె. రామకృష్ణ మాట్లాడుతూ పెట్రోల్, డీజిల్, గ్యాస్ ధరలను తగ్గించి జీ. యస్. టి. పరిధిలోకి తీసుకురావాలని డిమాండ్ చేశారు. వంటనూనెలు, నిత్యావసర వస్తువులను, ధరలను అదుపు చేయాలని, విద్యత్ చార్జీలు, ఆస్థి, నీటి, చెత్త, పన్నుల, భారాలను విరమించాలని అన్నారు.

నరేంద్ర మోడీ అధికారంలోకి వచ్చిన తర్వాత ఇప్పటికే లెక్కలేనన్ని సార్లు పెట్రోల్, డీజిల్ ధరలు, వంట గ్యాస్ ధరలు విపరీతంగా పెరిగాయని, సామాన్య, మధ్య తరగతి ప్రజల ఆర్థిక పరిస్థితులను చిన్నాభిన్నం చేశారని అన్నారు. పెంచిన విద్యుత్ ఛార్జీలు పెట్రోల్ డీజిల్ గ్యాస్ ధరలు తగ్గించాలని డిమాండ్ చేశారు. ముఖ్యమంత్రి జగన్ మోహన్ రెడ్డి మరో సారి తన విశ్వారూపాన్ని ప్రదర్శించారని, సీఎం జగన్ ని చూస్తుంటే కమల్ హాసన్ సినిమాలో దశవాతరం గుర్తుకివస్తుందని ఎద్దేవా చేశారు. పోయిన సారి మేకతోటి సుచరితకు హోమ్ మిస్టర్ పదవి ఇచ్చి ఆమెనుఈ సారి బలిపశువును చేసి మంత్రి పదవి కూడా లేకుండా చేశారని అన్నారు. సామాజిక న్యాయం అని చెప్తూ కమ్మ, బ్రాహ్మణ, వైశ్యక్షత్రియ వాళ్ళుని మంత్రి వర్గంలో లేకుండా సియం చేశారని అన్నారునెల 15వ తేదీన రాష్ట్రములో అన్ని ప్రజా సంఘాలు రాజకీయ పార్టీలని ఆహ్వానించి రాష్ట్ర వ్యాప్త ఉద్యమానికి శ్రీకారం చుడతామని అన్నారు.

సిపిఐ రాష్ట్ర కార్యదర్శి కె. రామకృష్ణ, సహాయ కార్యదర్శి ముప్పాళ్ళ నాగేశ్వరరావు, జిల్లా కార్యదర్శి జంగాల అజయ్ కుమార్, ప్రజానాట్యమండలి రాష్ట్ర అధ్యక్షులు గని, మంగళగిరి నియోజకవర్గ కార్యదర్శి చిన్న తిరపతయ్య సహాయ కార్యదర్శి కంచర్ల కాశయ్య, మండల కార్యదర్శి జాలాది జాన్ బాబు, మాజీ వైస్ చైర్మన్ నందం బ్రహ్మేశ్వర రావు, వ్యవసాయ కార్మిక సంఘం జిల్లా ప్రధాన కార్యదర్శి కాబోతూ ఈశ్వరరావు, పిల్లలమర్రి నాగేశ్వరరావు, ముసునూరు సుహాస్ తదితరులు పాల్గొన్నారు.