వైభవంగా ప్రారంభమైన చైత్ర మాస బ్రహ్మోత్సవములు
Bhakthi | Suryaa Desk | Published : Tue, Apr 12, 2022, 03:40 PM
ఇంద్రకీలాద్రి కొండపై ఉన్న అమ్మవారి దేవస్థానం నందు ద నేటి నుండి చైత్ర శుద్ధ ఏకాదశి నుండి ది. 20 వరకు, చైత్ర బహుళ తదియ వరకు నిర్వహించు బ్రహ్మోత్సవములలో ప్రారంభమయ్యాయి. ఇందులో లో భాగముగా ఈరోజు అనగా శ్రీ శుభకృత నామ సంవత్సరం చైత్రశుద్ధ ఏకాదశి రోజున చైత్రమాస బ్రహ్మోత్సవాల్లో భాగంగా దేవస్థానం నందలి బాలాలయము వద్ద ఆలయ కార్యనిర్వహణాధికారి డి. భ్రమరాంబ సమక్షంలో స్థానాచార్యులు వైదిక కమిటీ సభ్యుల ఆధ్వర్యంలో ఆలయ ప్రధానార్చకులు మరియు ఆలయ అర్చక సిబ్బందిచే పూజలు నిర్వహించారు.
శ్రీ గంగా దుర్గ మల్లేశ్వర స్వామి వార్లకు శాస్త్రోక్తంగా మంగలస్నానములాచరింపజేసిన అనంతరం వధూవరులుగా అలంకరింప జేయడం జరిగినది. ఈ కార్యక్రమము నందు శ్రీయుత ఆలయ కార్యనిర్వహణాధికారి వారు పాల్గొని భక్తిశ్రద్ధలతో పూజలు నిర్వహించి అమ్మవార్లకు, స్వామివారికి పట్టువస్త్రాలు సమర్పించారు. అనంతరం సా. 04గం. లకు విగ్నేశ్వర స్వామి వారికి పూజ, పుణ్యాహవచనము, అంకురారోపన, అఖండ దీప స్థాపన, కళాశారాధన, ధ్వజారోహన, అగ్ని ప్రతిష్టాపన మరియు బలిహరణ కార్యక్రమములు నిర్వహిస్తున్నట్లు ఆలయ అధికారులు తెలిపారు.
|
|