వేసవిలో చల్లచల్లని పుదీనా లస్సీ...
Health beauty | Suryaa Desk | Published : Thu, Apr 14, 2022, 09:55 PM
వేసవిలో చల్ల చల్లని పానీయాలను తాగాలని ప్రతి ఒక్కరికి అనిపిస్తుంటుంది. సాధారణంగా పెరుగుతో రకరకాల లస్సీలను తయారు చేసుకొని తాగుతూ ఉంటాం. అలాంటప్పుడు పుదీనాతో ఇంట్లోనే తయారు చేసుకునే ఒక లస్సీ రెసిపీని తెలుసుకుందామా.
కావలసిన పదార్థాలు: పుదీనా ఆకులు -కొన్ని, పెరుగు - 1 కప్పు, ఉప్పు- రుచికి సరిపడా , ఐస్ క్యూబ్స్ .
తయారీ విధానం; ముందుగా పుదీనా ఆకులను శుభ్రంగా కడిగి పక్కకు పెట్టుకోవాలి. ఇప్పుడు ఒక జార్ పెరుగు, పుదీనా ఆకులు, రుచికి సరిపడా ఉప్పు, కొన్ని ఐస్ క్యూబ్స్ ను వేసి మెత్తగా మిక్సీ పట్టుకోవాలి. ఇలా మిక్సీ పట్టుకున్న దానిని గ్లాసులో పోసుకోవాలి. దీంతో ఎంతో రుచిగా ఉండే పుదీనా లస్సీ తయారవుతుంది.పుదీనా ఆకులను మరీ ఎక్కువగా వేసుకుంటే అంత రుచిగా ఉండదు. కొంచెం ఫ్లేవర్ కోసం ఐదారాకులు వేసుకుంటే సరిపోతుంది. పుదీనా లస్సీలో తీపిని ఇష్టపడే వారు పంచదార లేదా తేనెను వేసుకోవచ్చు. దీనిని తాగడం వల్ల శరీరానికి చలువ చేయడమే కాకుండా శరీరానికి తక్షణ శక్తి అందిస్తుంది.
|
|