పొట్ట దగ్గర కొవ్వు తగ్గాలంటే...
Life style | Suryaa Desk | Published : Thu, Apr 14, 2022, 09:58 PM
మగవారు, ఆడవారు అనే తేడా లేకుండా చాలా మందిలో పొట్ట దగ్గర కొవ్వు పేరుకుపోయి వారి పొట్ట చూడటానికి పెద్దదిగా కనిపిస్తుంటుంది. దీని వల్ల వీరు ఊబకాయులుగా కనిపిస్తూ ఉంటారు. ఇలాంటి వారు పొట్ట భాగం సన్నగా అవ్వడానికి రకరకాల ప్రయత్నాలు చేస్తూ ఉంటారు. వ్యాయామం చేయడం, ఆహారపు అలవాట్లలో మార్పులు చేసుకోవడం వంటివి చేస్తూ ఉంటారు. శరీరానికి హాని కలగకుండా మన వంటింట్లో ఉండే వాటితోనే ఓ డ్రింక్ ను తయారు చేసుకుని తాగడం వల్ల పొట్ట భాగంలో అధికంగా ఉండే కొవ్వు తగ్గి పొట్ట భాగం సన్నగా అవుతుంది.
ముందుగా ఒక గిన్నెలో ఒక లోటాడు నీటిని తీసుకుని పొయ్యి మీద పెట్టి సిమ్ లో ఉంచండి. అవి కాగేలోపు కొంచెం అల్లాన్ని తీసుకుని చిన్న చిన్న ముక్కలుగా చేసి పెట్టుకోండి, అలానే నిమ్మకాయని కూడా చిన్న చిన్న ముక్కలుగా కోసి పెట్టుకోండి. ఇలా కాకున్నా నిమ్మకాయ రసాన్ని కూడా వాడొచ్చు. పొయ్యి మీదున్న నీళ్లు కాగుతుండగా, కొంచెం పసుపును, ఒక దాల్చిన చెక్కను, అల్లం, నిమ్మకాయ ముక్కలను వేసి ఒక గ్లాసు నీళ్లు అయ్యే వరకు మరిగించుకోవాలి. ఇలా మరిగించుకున్న నీటిని వడబోసి రాత్రి పడుకునే ముందు తాగాలి. ఇలా తాగడం వల్ల పొట్ట భాగం సన్నగా అవ్వడమే కాకుండా శరీరంలోని ఇతర భాగాలలో పేరుకు పోయిన కొవ్వు కూడా కరిగి ఊబకాయం సమస్య నుండి బయట పడవచ్చు.
|
|