22 ఏళ్లుగా గదిలో బందీగా మహిళ
national | Suryaa Desk | Published : Fri, Apr 15, 2022, 10:19 AM
ఓ మహిళను తన కుటుంబ సభ్యులు 22 ఏళ్లుగా ఇంట్లోనే బంధించారు. ఈ అమానవీయ ఘటన గుజరాత్లో ని సూరత్లో జరిగింది. ఈ విషయం తెలుసుకున్న గంగాబా చారిటబుల్ ట్రస్ట్ అనే ఓ ఎన్జీఓ ఆమెను విడుదల చేయించింది. సూరత్ లోని ఉదానాకు చెందిన బాధితురాలికి భర్త, ఇద్దరు కుమారులు ఉన్నారు. ఆమె మానసిక పరిస్థితి సరిగ్గా లేదని, అందుకే గదిలో బంధించినట్లు కుటుంబ సభ్యులు తెలిపారు.
బాధితురాలిని విడుదల చేసేందుకు ఆమె కుటుంబ సభ్యులు అంగీకరించలేదని ఎన్జీఓ సభ్యులు జాల్పాబెన్ సొనానీ వెల్లడించారు. బాధితురాలు తన కర్మఫలాలను అనుభవిస్తోందని ఆమె భర్త చెప్పారని తెలిపారు. తమను అమ్మ బాగా హింసించేదని, ఆ సమయంలో మమ్మల్ని ఎవరూ ఆదుకోలేదని ఆమె పిల్లలు చెప్పారట. మీరు ఒకవేళ ఆమెను బలవంతంగా తీసుకెళ్తే మీపైన కూడా ఆమె దాడి చేస్తుందని బాధితురాలి పిల్లలు తమను హెచ్చరించినట్లు సొనానీ చెప్పారు. చివరకు పోలీసులు సాయంతో ఆ మహిళను విడిపించారు.
|
|