రోడ్డు ప్రమాదంలో రైతు దుర్మరణం
Andhra Pradesh Telugu | Suryaa Desk | Published : Fri, Apr 15, 2022, 10:15 AM
జే. పంగులూరు మండలంలోని బైటమంజులూరు వద్ద జాతీయ రహదారిపై గురువారం ఉదయం జరిగిన రోడ్డు ప్రమాదంలో భగవాన్‌రాజుపాలెం గ్రామానికి చెందిన రైతు రావిపాటి లక్ష్మీనారాయణ (70) దుర్మరణం పాలయ్యారు. రేణింగవరం ఎస్ఎ యు.పున్నారావు అందించిన సమాచారం మేరకు వివరాలిలా ఉన్నాయి. రైతు లక్ష్మీనారాయణ రోజూ మాదిరిగా జాతీయ రహదారిపై ఐదు గంటలకు ఉదయం నడక చేస్తుండగా బైటమంజులూరుకు చెందిన చక్రవారం అభిలాష్ రాజు ద్విచక్ర వాహనంపై ముప్పవరం వెళ్తూ ఢీకొట్టారు.
ఇద్దరూ కిందపడగా, రైతుకు బలమైన గాయాలు కావటంతో అక్కడికక్కడే మృతి చెందారు. అభిలాష్ రాజుకు తీవ్ర గాయాలయ్యాయి. విషయం తెలుసుకున్న జాతీయ రహదారి అంబులెన్స్ సిబ్బంది క్షతగాత్రుడ్ని చికిత్స నిమిత్తం ఒంగోలు రిమ్స్ కు తరలించారు. లక్ష్మీనారాయణకు భార్య శేషమ్మ, వివాహమయిన ఇద్దరు కుమార్తెలు ఉన్నారు. సంఘటన స్థలాన్ని ఎవ్స్ యు. పున్నారావు సందర్శించి ప్రమాద ఘటనపై ఆరా తీశారు. మృతదేహానికి శవపంచనామా అనంతరం పోస్టు మార్గం నిమిత్తం అద్దంకి ప్రభుత్వ వైద్యశాలకు తరలించారు. పోలీసులు కేసు నమోదు చేసి దర్యాప్తు చేస్తున్నారు.
|
|