బాలికపై గ్రామ వాలంటీర్ అత్యాచారం
Andhra Pradesh Telugu | Suryaa Desk | Published : Mon, Apr 18, 2022, 11:53 AM
ఏపీలో ప్రజలకు సంక్షేమ పథకాలను చేరువ చేసేందుకు ఏర్పాటు చేసిన గ్రామ వాలంటీర్ వ్యవస్థలో కొందరు దారి తప్పుతున్నారు. నిబంధనలకు విరుద్ధంగా వ్యవహరించి సస్పెండ్ అవుతున్నారు. తాజాగా గ్రామ వాలంటీర్గా పని చేస్తున్న ఓ యువకుడు ఇంటింటికీ వెళ్తున్న క్రమంలో బాలికపై అత్యాచారం చేశాడు. సంచలనం రేపిన ఈ ఘటనకు సంబంధించిన వివరాలిలా ఉన్నాయి.
ఏపీలోని తూర్పుగోదావరి జిల్లా సీతానగరం మండలం బొబ్బిల్లంకకు చెందిన గ్రామవాలంటీరు బూసి సతీష్ (23) అదే గ్రామానికి చెందిన బాలికపై అత్యాచారం చేశాడు. ప్రభుత్వ సంక్షేమ పథకాల నిమిత్తం ఇంటింటికీ వెళ్లే క్రమంలో బాలికతో పరిచయం పెంచుకున్నాడు. ఆమె తల్లిదండ్రులు లేని సమయం చూసి ఇటీవల బాలికపై అఘాయిత్యానికి పాల్పడ్డాడు. విషయం ఎవరికీ చెప్పొద్దని బెదిరించాడు. విషయాన్ని బాలిక తన తల్లిదండ్రులకు ఆదివారం చెప్పింది. దీంతో వారు సీతానగరం పోలీస్ స్టేషన్లో ఫిర్యాదు చేశారు. వాలంటీర్పై పోక్సో కేసు నమోదు చేసినట్లు ఎస్ఐ శుభశేఖర్ వెల్లడించారు.
|
|