లఖింపూర్ ఖేరీ నిందితుడికి బెయిల్ రద్దు
national | Suryaa Desk | Published : Mon, Apr 18, 2022, 12:35 PM
అక్టోబరులో ఆరుగురు రైతులను పొట్టనబెట్టుకున్న లఖింపూర్ ఖేరీ హింసాకాండ కేసులో సుప్రీం కోర్టు సోమవారం కీలక నిర్ణయం తీసుకుంది. ప్రధాన నిందితుడు, కేంద్ర మంత్రి కుమారుడు ఆశిష్ మిశ్రాకు మంజూరైన బెయిల్ను రద్దు చేసింది. వారం రోజుల్లో లొంగిపోవాలని ఆదేశాలు జారీ చేసింది. ఏప్రిల్ 4న ఈ కేసులో ఉత్తర్వులను ప్రధాన న్యాయమూర్తి ఎన్వీ రమణ, న్యాయమూర్తులు సూర్యకాంత్, హిమా కోహ్లీలతో కూడిన ప్రత్యేక ధర్మాసనం రిజర్వ్ చేసింది. తాజాగా తీర్పును వెలువరించింది. అలహాబాద్ హైకోర్టు ఫిబ్రవరి 1న తీర్పుపై గతంలో సుప్రీంకోర్టు అభ్యంతరం వ్యక్తం చేసింది. మిశ్రాకు బెయిల్ మంజూరు చేసేందుకు ఫిబ్రవరి 10న అలహాబాద్ హైకోర్టు ఇచ్చిన ఆదేశాలపై సుప్రీంకోర్టు విస్మయం వ్యక్తం చేసింది. బెయిల్ను రద్దు చేయాలంటూ బాధితురాలి కుటుంబంలో ఒకరైన జగ్జీత్ సింగ్ తరపున న్యాయవాది ప్రశాంత్ భూషణ్ వాదనలు వినిపించారు.
|
|