ఉక్రెయిన్‌పై ర‌ష్యా అణు బాంబు దాడికి పాల్ప‌డే అవ‌కాశ‌ముంది
international | Suryaa Desk | Published : Wed, Apr 20, 2022, 01:21 AM
ఉక్రెయిన్‌పై ర‌ష్యా అణు బాంబు దాడికి పాల్ప‌డే అవ‌కాశ‌ముందని బ్రిటన్ ఇంటలిజెన్స్ విభాగం స్పష్టంచేసింది. ఇదిలావుంటే ర‌ష్యా, ఉక్రెయిన్‌ల మ‌ధ్య కొన‌సాగుతున్న యుద్ధం ముగింపు ఇప్పుడ‌ప్పుడే జ‌రిగేలా లేదు. ఎప్ప‌టిక‌ప్పుడు చ‌ర్చ‌లంటూ ఇరు దేశాలు చెబుతున్నా... యుద్ధం ముగింపు దిశ‌గా మాత్రం అడుగులు ప‌డ‌టం లేదు. ఈ క్ర‌మంలో ఉక్రెయిన్‌పై విరుచుకుప‌డుతున్న ర‌ష్యా సేన‌లు... సోమ‌వారం నాడు ఉక్రెయిన్‌లోని కీల‌క న‌గ‌రం మ‌రియూపోల్‌ను స్వాధీనం చేసుకున్న‌ట్లుగా వార్త‌లు వినిపించాయి.
తాజాగా ఉక్రెయిన్‌పై ర‌ష్యా మ‌రింత భీక‌రంగా విరుచుకుప‌డే అవ‌కాశాలున్నాయ‌న్న వార్త‌లు భ‌యాందోళ‌న క‌లిగిస్తున్నాయి. ఈ మేర‌కు బ్రిటన్ ఇంటెలిజెన్స్ వ‌ర్గాలు బాంబులాంటి ఓ వార్త‌ను విడుద‌ల చేశాయి. ఉక్రెయిన్‌పై ర‌ష్యా అణు బాంబు దాడికి పాల్ప‌డే అవ‌కాశ‌ముందంటూ బ్రిటన్ హెచ్చరించింది. ఆ అణుబాంబు దాడి కూడా రేపే (మంగ‌ళ‌వారం) జ‌రిగే అవ‌కాశాలున్నాయంటూ పేర్కొంది. ఈ వార్త నేప‌థ్యంలో ప్ర‌పంచ దేశాలు తీవ్ర ఆందోళ‌న వ్య‌క్తం చేస్తున్నాయి.
|
|