ఘనంగా చంద్రన్న జన్మదిన వేడుకలు
Andhra Pradesh Telugu | Suryaa Desk | Published : Wed, Apr 20, 2022, 12:39 PM
మాజీ ముఖ్యమంత్రి, తెలుగుదేశం పార్టీ జాతీయ అధ్యక్షులు నారా చంద్రబాబు ( చంద్రన్న ) నాయుడు పుట్టినరోజు వేడుకలు ఘంటసాలలోని బ్యాంక్ సెంటర్ వద్ద బుధవారం టిడిపి నేతలు, కార్యకర్తలు, అభిమానులు ఘనంగా నిర్వహించారు. ఈ సందర్భంగా మండల పార్టీ అధ్యక్షులు తుమ్మల చౌదరి బాబు మాట్లాడుతూ చంద్రబాబు నాయుడు గొప్ప విజన్ ఉన్న నేత అని కొనియాడారు. అన్న నందమూరి తారక రామారావు స్థాపించిన తెలుగుదేశం పార్టీ ఆశయాలను కొనసాగిస్తూ రాష్ట్ర ప్రజల శ్రేయస్సే ధ్యేయంగా పనిచేస్తున్న గొప్ప దార్శనికుడు చంద్రబాబు అన్నారు. మరెన్నో పుట్టినరోజు వేడుకలు జరుపుకోవాలని ఈ సందర్భంగా ఆకాంక్షించారు.
జడ్పీ మాజీ వైస్ చైర్మన్ వెంకట రామకృష్ణ మాట్లాడుతూ చంద్రబాబు విజన్ కారణంగానే హైదరాబాదులో హైటెక్ సిటీ ఏర్పడిందని, హైదరాబాద్ విశ్వ నగరంగా మారడానికి కారణం చంద్రబాబునాయుడు అన్నారు. తొలుత ఎన్టీఆర్ విగ్రహానికి పూలమాల వేసి నివాళులు అర్పించారు. అనంతరం చంద్రబాబు నాయుడు పుట్టినరోజు కేక్ కట్ చేసి పార్టీ శ్రేణులకు తుమ్మల చౌదరి బాబు తినిపించారు. ఈ కార్యక్రమంలో ఘంటసాల గ్రామ పంచాయతీ ఉప సర్పంచ్ అయినపూడి భానుప్రకాష్, మండల పార్టీ కార్యదర్శి పరిశే చలపతి, తుమ్మల వెంకటేశ్వరరావు, గొర్రెపాటి సురేష్, గొర్రెపాటి బ్రహ్మయ్య, గొర్రెపాటి శ్రీనివాస్, బిసి నాయకులు జగారపు నాగేశ్వరరావు తదితరులు పాల్గొన్నారు.
|
|