వేసవిలో ఉల్లిపాయ తింటే ఎన్నో లాభాలు
Health beauty | Suryaa Desk | Published : Wed, Apr 20, 2022, 03:16 PM
మన ఆహారంలో భాగమైన ఉల్లి పాయ తింటే వేసవిలో ఎన్నో ప్రయోజనాలున్నాయి. ఉల్లి చేసే మేలు తల్లి కూడా చేయదనే సామెత కూడా ఉంది. ఇక బిర్యానీ తిన్నా, చద్దన్నమైనా అందులో ఉల్లిపాయ ఉండాల్సిందే. వేసవిలో రోజూ ఓ ఉల్లిపాయ తినడం వల్ల శరీరానికి చలువ చేస్తుందని నిపుణులు చెబుతున్నారు. మొక్కల్లో ఉండే ఫ్లేవనాయిడ్లు, యాంటీ యాక్సిడెంట్లు ఉల్లిపాయలో అవసరమైన స్థాయిలో ఉన్నాయని పేర్కొంటున్నారు. ఫలితంగా శరీరంలో కేన్సర్ కణాలు వృద్ధి చెందకుండా సాయపడుతుంది.
మధుమేహాన్ని అదుపులో ఉంచుతుంది. ఇక ఇన్ఫెక్షన్లు రాకుండా కాపాడడంలో ఉల్లి చేసే ప్రయోజనాలు చాలా ఉన్నాయి. శరీరంలో రోగ నిరోధక శక్తిని పెంచి, వ్యాధులు రాకుండా కాపాడుతుంది. జీర్ణ వ్యవస్థ మెరుగ్గా ఉండేలా చేస్తుంది. తలనొప్పి, నోటిలో పొక్కులకు ఇది అద్భుత ఔషధంగా పని చేస్తుంది. ఐరన్న సంగ్రహించడానికి అవసరమయ్యే విటమిన్ 'సి' ఇందులో పుష్కలంగా ఉంటుంది. ఇందులో ఉండే క్వెర్సిటిన్ అనే రసాయనం చర్మంపై దద్దుర్లు, దురద, ఇతర చర్మ సమస్యలను నివారిస్తుంది. చుండ్రును అరికట్టడంలో ప్రభావవంతంగా పని చేస్తుంది. శ్వాస కోశ వ్యాధులను నయం చేయడంలోనూ ఎంతో సాయపడుతుంది.
|
|