ట్రెండింగ్
అర్ధరాత్రి ఒకటిన్నర గంటల వరకు అంధకారంలో మార్కాపురం
Andhra Pradesh Telugu | Suryaa Desk | Published : Thu, Apr 21, 2022, 11:42 AM
ప్రకాశం జిల్లా మార్కాపురం పట్టణంలో వేళకాని వేళలో విద్యుత్ కోతలతో పట్టణ ప్రజలు తీవ్ర ఇబ్బందులు ఎదుర్కొన్నారు. రాత్రి 9: 30 గంటల నుండి అర్ధరాత్రి ఒకటిన్నర గంటల పైగా విద్యుత్ కోత విధించడంతో చిన్న పిల్లలతో నానా యాతన పడాల్సిన పరిస్థితి నెలకొన్నది.
ఎండ తీవ్రతకు ఒకవైపు ఉక్కపోతా మరోవైపు దోమల బెడదతో ఆరుబయట నిద్రించడానికి ప్రయత్నించిన పట్టణ ప్రజలకు కూడా నిరాశే మిగిలింది. విద్యుత్ కోతతో ఎంతసేపటికి కరెంటు రాకపోవడంతో పట్టణ ప్రజలు తట్టుకోలేక స్థానికంగా ఉన్న విద్యుత్ కార్యాలయం వద్దకు వెళ్లి విద్యుత్ శాఖ సిబ్బందిని నిలదీశారు. దీంతో వారు పొంతనలేని సమాధానం చెప్పడంతో ప్రజలు వెను తిరిగి వెళ్లిపోయారు.
|
|