రికార్డు సృష్టించిన ఉన్నతి హుడా.. 14 ఏళ్లకే ఆసియా క్రీడలకు
sports | Suryaa Desk | Published : Fri, Apr 22, 2022, 12:36 PM
బ్యాడ్మింటన్ క్రీడాకారిణి ఉన్నతి హుడా 14 ఏళ్ల వయసులోనే ఆసియా క్రీడలకు ఎంపికై రికార్డు సృష్టించింది. హర్యానా రాష్ట్రంలోని రోహ్తక్ నగరానికి చెందిన ఉన్నతి హుడా ఈ ఏడాది ఆసియా క్రీడలకు ఎంపికైంది. దీంతో ఆసియా క్రీడల బృందంలో అత్యంత పిన్న వయస్సు కలిగిన భారత షట్లర్ గా నిలిచింది.
ఆసియా, కామన్వెల్త్ క్రీడలు, థామస్ అండ్ ఉబర్ కప్ లో పాల్గొనే షట్లర్ల ఎంపిక కోసం భారత బ్యాడ్మింటన్ సంఘం 6 రోజుల పాటు సెలక్షన్ ట్రయల్స్ నిర్వహించింది. ఈ ట్రయల్స్లో ప్రదర్శన ఆధారంగా పైన పేర్కొన్న 3 టోర్నీలకు గురువారం జట్లను ప్రకటించింది. మహిళల సింగిల్స్లో మూడో స్థానంలో నిలిచిన ఉన్నతి హుడా ఆసియా క్రీడలతో పాటు ఉబర్ కప్ నకు ఎంపికైంది.
కామన్వెల్త్ క్రీడల జట్టు:
పురుషులు: లక్ష్యసేన్, కిదాంబి శ్రీకాంత్, సాత్విక్ సాయిరాజ్, చిరాగ్ శెట్టి, సుమీత్ రెడ్డి
మహిళలు: పీవీ సింధు, ఆకర్షి కశ్యప్, ట్రీసా, గాయత్రి పుల్లెల, అశ్విని పొన్నప్ప.
ఆసియా క్రీడలు, థామస్ అండ్ ఉబర్ కప్ జట్టు:
పురుషులు: లక్ష్యసేన్, శ్రీకాంత్, ప్రణయ్, ప్రియాన్షు, చిరాగ్, సాత్విక్, ధ్రువ్ కపిల, అర్జున్, విష్ణువర్ధన్ గౌడ్, కృష్ణప్రసాద్
మహిళలు: పీవీ సింధు, ఆకర్షి, అశ్మిత, ఉన్నతి హుడా, ట్రీసా, గాయత్రి పుల్లెల, సిక్కిరెడ్డి, అశ్విని పొన్నప్ప, తనీష, శ్రుతి మిశ్రా.
|
|