డ్యాన్స్ చేస్తే రూ.65 కోట్లు.. హీరోయిన్‌కు సౌదీ యువరాజు ఆఫర్!
international | Suryaa Desk | Published : Fri, Apr 22, 2022, 04:18 PM
ఆయిల్ నిల్వలు, పర్యాటక రంగం కారణంగా అరబ్ దేశాలు చూడ చక్కని రీతిలో ఆకాశ హర్మ్యాలతో దర్శనమిస్తుంటాయి. అక్కడి పాలకులు కూడా చాలా విలాసవంతంగా ఉంటారు. చిన్న చిన్న తమ సంతోషాల కోసం కోట్లలో వెచ్చిస్తుంటారు. ఆ మొత్తం విలువ ఎంతో వింటే అందరికీ కళ్లు బైర్లు కమ్ముతుంటాయి. తాజా ఒక్క నైట్ డ్యాన్స్ చేస్తే భారీ మొత్తాన్ని ఓ ప్రముఖ హీరోయిన్‌కు సౌదీ యువరాజు ఆఫర్ చేశాడు. ఈ వార్త ప్రస్తుతం ప్రపంచ వ్యాప్తంగా చర్చనీయాంశంగా మారింది. దీనికి సంబంధించిన వివరాలిలా ఉన్నాయి.
సౌదీ యువరాజు సల్మాన్‌కు ప్రపంచంలోనే అత్యంత సంపన్నుల్లో ఒకరు. ఆయన ఉండే బంగ్లాలు, వాడే కార్లు, ఫ్లైట్లు కళ్లు చెదిరేలా ఉంటాయి. కొన్నింటినీ బంగారంతో కూడా రూపొందించారు. తాజాగా ఈ సౌదీ యువరాజు అమెరికాకు చెందిన ప్రముఖ మోడల్ కిమ్ కర్దాషియన్‌కు భారీ ఆఫర్ ఇచ్చినట్లు తెలుస్తోంది. ఒక్క రాత్రి వేడుకలో తన ముందు డ్యాన్స్ చేస్తే రూ.65 కోట్లు ఆఫర్ చేసినట్లు తెలుస్తోంది. ఎంత పెద్ద హీరోలైనా, హీరోయిన్లైనా ఒక్క రాత్రిలో రూ.65 కోట్లు సంపాదించడమంటే చాలా అరుదు. ఇక కిమ్ కర్దాషియన్‌కు ఈ భారీ ఆఫర్ రావడంతో నెటిజన్లు ఆశ్చర్యం వ్యక్తం చేస్తున్నారు. అయితే కిమ్ కర్దాషియన్‌కి సోషల్ మీడియాలో ఫాలోయింగ్ బాగా ఉంది. ఆమెకు ప్రపంచ వ్యాప్తంగా అధిక సంఖ్యలో అభిమానులు ఉన్నారు. దీంతో బ్యూటీ అధికారిక ఇన్‌స్టాగ్రామ్ అకౌంట్‌ను 20 మిలియన్లకు పైగా నెటిజన్లు ఫాలో అవుతున్నారు.
|
|