ట్రెండింగ్
ఆరుగురు పేకాట రాయుళ్లు అరెస్ట్
Crime | Suryaa Desk | Published : Sat, Apr 23, 2022, 11:12 AM
నల్లపాడు పోలీస్ స్టేషన్ పరిధిలో పేకాట శిబిరం పై పోలీసులు దాడులు చేసి ఆరుగురు పేకాట రాయుళ్లను నల్లపాడు పోలీసులు అరెస్ట్ చేశారు. గుంటూరు జిల్లా ఎస్పీ ఆరిఫ్ హఫీజ్ ఆదేశాల మేరకు నల్లపాడు సిఐ బత్తుల శ్రీనివాసరావు సంఘవిద్రోహక, చట్ట వ్యతిరేక కార్యకలాపాలపై ప్రత్యేకంగా దృష్టి సారించారు. సిఐ కి రాబడిన సమాచారం మేరకు నల్లపాడు పోలీస్ స్టేషన్ పరిధిలో గుట్టుచప్పుడు కాకుండా ఆడుతున్న పేకాట స్థావరంపై శుక్రవారం రాత్రి నల్లపాడు పోలీసులు దాడి చేశారు. పేకాట ఆడుతున్న ఆరుగురు వ్యక్తులను అదుపులోకి తీసుకున్నారు. వారిపై గేమింగ్ యాక్ట్ కింద కేసు నమోదు చేసి దర్యాప్తు చేస్తున్నారు.
|
|