ట్రెండింగ్
ఎలక్ట్రిక్ బైక్ బ్యాటరీ పేలి వ్యక్తి మృతి
Andhra Pradesh Telugu | Suryaa Desk | Published : Sat, Apr 23, 2022, 12:13 PM
ఇటీవల కాలంలో ఎలక్ట్రిక్ బైకులు పేలడం సాధారణంగా మారిపోయింది. ఛార్జింగ్ పెట్టి పడుకుంటున్న వారి ప్రాణాలను ఎలక్ట్రిక్ బైక్‌లు హరిస్తున్నాయి. తాజాగా ఏపీలోని విజయవాడ సూర్యారావుపేటలో ఎలక్ట్రిక్ బైక్ పేలింది. శనివారం తెల్లవారుజామున ఈ ప్రమాదం జరిగింది. ఈ దుర్ఘటనలో ఒకరు మరణించగా, మరో ముగ్గురికి తీవ్ర గాయాలయ్యాయి. బాధితులంతా ఒకే కుటుంబం అని తెలుస్తోంది. శివకుమార్‌ అనే వ్యక్తి ఇంట్లో మంటలు వచ్చాయి. దీంతో శివకుమార్‌తో పాటు అతని భార్య, ఇద్దరు పిల్లలు మంటల్లో చిక్కుకున్నారు. ప్రమాదాన్ని గుర్తించిన స్థానికులు తలుపులు పగలకొట్టి వారిని రక్షించాలని ప్రయత్నించారు. వారిని ఆస్పత్రికి తరలిస్తుండగా శివకుమార్‌ కన్నుమూశాడు. ఆయన భార్య పరిస్థితి విషమంగా ఉందని వైద్యులు వెల్లడించారు.
|
|