ట్రెండింగ్
ఆమె ఎలా పెంచిందో అడిగి తెలుసుకుంటాను
Andhra Pradesh Telugu | Suryaa Desk | Published : Mon, May 02, 2022, 04:52 PM
ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డిపై టీడీపీ మాజీ ఎమ్మెల్యే, తాడిపత్రి మున్సిపల్ చైర్మన్ జేసీ ప్రభాకర్ రెడ్డి మరోసారి తీవ్ర స్థాయిలో విమర్శలు గుప్పించారు. సోమవారం నాడు తాడిపత్రిలో మీడియా సమావేశం నిర్వహించిన ఆయన.. వైఎస్ జగన్ను ఉద్దేశించి పరోక్ష వ్యాఖ్యలు చేశారు. ‘ఆయన్ను తల్లి సరిగ్గా పెంచలేదని ఓ మహాతల్లి చెప్పింది.. ఆమె ఎలా పెంచిందో అడిగి తెలుసుకుంటాను. ఆమె చెప్పింది కరెక్టే.. ఈయన్ని పెంచడం మా రాజశేఖరరెడ్డికి కష్టం అయ్యింది. వాళ్ల పెంపకం మంచిదే.. కానీ అప్పటికే డైవర్ట్ అయ్యి వాళ్ల తాత రాజారెడ్డి దగ్గరికి ఆయన వెళ్లాడు. తాత రాజారెడ్డి పెంచడంతో సేమ్ టు సేమ్ రాజారెడ్డిలాగే తయారయ్యాడు. మా రాజశేఖరరెడ్డిని ఏమీ అనొద్దు’ అని జేసీ ప్రభాకర్ రెడ్డి సంచలన కామెంట్స్ చేశారు.
|
|