ముస్లిం సోదరులకు ఎమ్యెల్యే బొల్లా రంజాన్ శుభాకాంక్షలు
Andhra Pradesh Telugu | Suryaa Desk | Published : Tue, May 03, 2022, 09:39 AM
వినుకొండ నియోజకవర్గ ముస్లిం సోదర, సోదరీమనులందరికీ వినుకొండ ఎమ్యెల్యే బొల్లా బ్రహ్మనాయుడు రంజాన్ పండుగ శుభాకాంక్షలు తెలియచేశారు. ఈ సందర్భంగా ఆయన మాట్లాడుతూ అల్లాహ్ దీవెనలతో రాష్ట్ర , నియోజకవర్గ ప్రజలకు, ప్రపంచ మానవాళికి సకల శుభాలు కలగాలని, ప్రతి ఒక్కరూ ఆయు-ఆరోగ్యాలతో జీవించాలని ఆకాంక్షించారు. క్రమశిక్షణ, దాతృత్వం, ధార్మిక చింతనల కలయికే రంజాన్ మాసం విశిష్టత అని పేర్కొన్నారు. పవిత్ర దివ్య ఖురాన్ అవతరించిన ఈ మాసంలో ముస్లిం సోదర, సోదరీమనులంతా నెలరోజుల పాటు కఠోర ఉపవాస దీక్షతో నిష్టగా అల్లాహ్ ను ఆరాధిస్తూ ఆధ్యాత్మిక జీవనం కొనసాగిస్తారని శాసనసభ్యుల వారు అన్నారు. అల్లాహ్ రక్షణ, కరుణ పొందాలనే లక్ష్యంతో రంజాన్ మాసంలో ప్రత్యేక ప్రార్థనలు నిర్వహిస్తారని, ప్రతి ఒక్కరూ ఫిత్రా మరియు జకాత్ రూపంలో ఉన్నదానిలో ఎంతోకొంత దానధర్మాలు చేస్తారని, సేవా దృక్పథానికి, సహనానికి ప్రతీకగా ఈ పండుగను జరుపుకొంటారని అన్నారు.
|
|