ఆర్టీసీ బస్సు ఢీకొని బాలుడు మృతి
Andhra Pradesh Telugu | Suryaa Desk | Published : Tue, May 03, 2022, 02:10 PM
చిత్తూరు: రామకుప్పం మండలం విజలాపురం గ్రామ సచివాలయం ముందు ఆర్టీసీ బస్సు ఢీకొనడంతో 5 ఏళ్ల అబ్బాయి మృతి చెందాడు. మృతి చెందిన బాలుడు రామకుప్పం మండలం బందార్లపల్లె పంచాయతీ గడ్డూరు గ్రామానిజి చెందిన జయప్ప కుమారుడు హరిహరన్. హరిహరన్ తల్లిదండ్రులతో పాటు విజలాపురం ప్రైవేటు ఆస్పత్రికి వచ్చి తిరుగు ప్రయాణంలో మోటార్ సైకిలుపై వెళుతుండగా వెనక నుండి వచ్చిన కుప్పం డిపో ఆర్టీసీ బస్సు ఏపి 07 జడ్ 0164 మోటార్ సైకిలును ఢీ కొట్టింది.
మోటార్ సైకిల్ వెనుక వైపు కూర్చున్న హరిహరన్ అదుపు తప్పి బస్ టైర్ కింద పడి తల నుజ్జు అయ్యి అక్కడికక్కడే మృతి చెందాడు. బస్సు డ్రైవర్ నిర్లక్షం వలనే తమ కుమారుడు మృతి చెందాడని తల్లితండ్రులు ఆందోళన వ్యక్తం చేశారు. హరిహరన్ మృతదేహాన్ని తండ్రి ఒడిలో పెట్టుకుని ఏడ్వడం చూసి స్థానికులు సైతం ఏడుపు ఆపుకోలేకపోయారు. పోలీసులు కేసు దర్యాప్తు చేస్తున్నారు.
|
|