ట్రెండింగ్
క్రీడల పట్ల ప్రతి ఒక్కరూ ఆసక్తి చూపించాలి
Andhra Pradesh Telugu | Suryaa Desk | Published : Tue, May 03, 2022, 04:20 PM
క్రీడల పట్ల ప్రతి ఒక్కరూ ఆసక్తి చూపించాలని బాపట్ల నియోజకవర్గ తెలుగుదేశం పార్టీ ఇన్చార్జి వేగేశన నరేంద్ర వర్మ అన్నారు. కర్లపాలెం మండలం ప్యార్లీ గ్రామంలో పాత పాలెం యూత్ ఆధ్వర్యంలో నిర్వహిస్తున్న డాక్టర్ బి. ఆర్ అంబేద్కర్ రాష్ట్రస్థాయి టెన్నిస్ బాల్ క్రికెట్ టోర్నమెంట్ ను కర్లపాలెం మండల తెలుగుదేశం పార్టీ నాయకులతో కలసి ఆయన ప్రారంభించారు.
ఈ సందర్భంగా ఆయన మాట్లాడుతూ పెరుగుతున్న టెక్నాలజీ నేపథ్యంలో ప్రతి ఒక్కరూ ఫోన్లతో సమయం గడపటం వల్లన వారిలో ఆలోచన శక్తి నశించిపోతుందన్నారు. విద్యార్థి దశ నుండే క్రీడల పట్ల ఆసక్తి పెంపొందించుకోవాలని అన్నారు. అప్పుడే పోటీతత్వం వస్తుందన్నారు.
క్రీడలను ప్రతి ఒక్కరు క్రీడా స్ఫూర్తితో తీసుకోవాలని గెలుపు ఓటములు సహజమని ఆయన అన్నారు. ఈ కార్యక్రమంలో కర్లపాలెం మండల తెలుగుదేశం పార్టీ నాయకులు, కార్యకర్తలు తదితరులు పాల్గొన్నారు.
|
|