ట్రెండింగ్
ఏపీ మాజీ మంత్రి బొజ్జల హఠాన్మరణం
Andhra Pradesh Telugu | Suryaa Desk | Published : Fri, May 06, 2022, 04:40 PM
ఏపీ మాజీ మంత్రి, టీడీపీ సీనియర్ నాయకులు బొజ్జల గోపాలకృష్ణా రెడ్డి(73) శుక్రవారం కన్నుమూశారు. కొంతకాలంగా అనారోగ్యంతో బాధపడుతున్న ఆయన హైదరాబాద్‌లోని అపోలో ఆసుపత్రిలో చికిత్స పొందుతున్నారు. కోలుకుంటున్నారని ఆయన కుటుంబ సభ్యులు ఇటీవలే ప్రకటించగా, గుండెపోటుతో ఆయన హఠాన్మరణం వారి అనుచరులను శోకసంద్రంలో ముంచి వేసింది. ఇటీవలే ఆయనను చంద్రబాబు పరామర్శించారు. శ్రీకాళహస్తికి సమీపంలోని 'ఊరందూరు' ఆయన స్వగ్రామం. ఎస్వీ యూనివర్సిటీ నుంచి 1968లో బీఎస్సీ, 1972లో లా పట్టా పొందారు. అనంతరం హైదరాబాద్‌కు చేరుకుని న్యాయవాదిగా పని చేశారు. 1989లో రాజకీయాల్లో ప్రవేశించిన ఆయన శ్రీకాళహస్తి నుంచి 5 సార్లు ఎమ్మెల్యేగా ఎన్నికయ్యారు. చంద్రబాబు క్యాబినెట్‌లో మంత్రిగా ఆయన పని చేశారు. ఆయన మృతి పట్ల పలువురు ప్రముఖులు సంతాపం ప్రకటించారు.
|
|