ట్రెండింగ్
దేశవ్యాప్తంగా తగ్గుతున్న కరోనా యాక్టివ్ కేసులు
national | Suryaa Desk | Published : Fri, May 13, 2022, 12:30 PM
ఇటీవల కాలంలో వరుసగా రోజువారీ కరోనా కేసుల సంఖ్యలో పెరుగుదల ప్రజలను ఆందోళనకు గురి చేస్తుంది. అయితే శుక్రవారం ఉదయం నాటికి నమోదైన గణాంకాలు ఊరట కలిగిస్తున్నాయి. గత 24 గంటల్లో దేశవ్యాప్తంగా 4.86 లక్షల మందికి కరోనా నిర్ధారణ పరీక్షలు చేశారు. అందులో 2,841 కరోనా పాజిటివ్ కేసులుగా నమోదయ్యాయి. కొత్తగా కోవిడ్ మహమ్మారి నుంచి దేశవ్యాప్తంగా 3,295 మంది కోలుకున్నారు. వరుసగా రెండో రోజూ నమోదైన కేసుల కంటే కోలుకున్న వారి సంఖ్య ఎక్కువగా ఉంది. ప్రస్తుతం దేశవ్యాప్తంగా యాక్టివ్ కేసుల సంఖ్య 18,604గా ఉంది. ఇప్పటి వరకు 1,90,99,44,803 కోవిడ్ టీకాలను దేశంలో అందించారు. 12-14 సంవత్సరాల వయస్సు గల వారికి 3.12 కోట్ల కంటే ఎక్కువ ఫస్ట్ డోస్ వ్యాక్సిన్‌ అందించారు.
|
|