ట్రెండింగ్
పిల్లి అనుకుని చిరుత పిల్లను ఇంటికి తెచ్చిన చిన్నారి
national | Suryaa Desk | Published : Fri, May 13, 2022, 03:42 PM
మహారాష్ట్ర మాలేగావ్ లోని మోర్జార్ శివరా ప్రాంతంలో ఓ చిన్నారి పిల్లి అనుకుని చిరుత పిల్లను ఇంటికి తీసుకొచ్చింది. కుటుంబసభ్యులు కూడా మొదట దానిని పిల్లికూన అనే అనుకున్నారు. కానీ కొద్దిసేపటికి అది చిరుత పిల్ల అని తెలియడంతో భయపడిపోయారు. అయితే ఆ చిరుత పిల్ల చిన్నది కావడంతో ఊపిరి పీల్చుకున్నారు.
చిన్నారి చిముకల్య ఆడుకోవడానికి బయటకు వెళ్లింది. ఇంటికి తిరిగొచ్చేటప్పుడు దారిలో కనిపించిన చిరుత పిల్లను పిల్లి అనుకుని వెంట తెచ్చుకుంది. ఏ క్షణంలోనైనా ఆ చిరుత కూన కోసం తల్లి రావొచ్చని భావించిన చిన్నారి కుటుంబ సభ్యులు ఆ చిరుత పిల్లను వారం రోజుల పాటు తమ వద్దే ఉంచుకున్నారు. తల్లి చిరుత జాడ లేకపోవడంతో అటవీ అధికారులకు సమాచారం ఇచ్చారు. అధికారులు వచ్చి చిరుత పిల్లను స్వాధీనం చేసుకున్నారు.
|
|