ట్రెండింగ్
చంద్రబాబు పై విరుచుకుపడ్డ సాయి రెడ్డి
Andhra Pradesh Telugu | Suryaa Desk | Published : Sat, May 14, 2022, 03:09 PM
ప్రపంచానికే పాఠాలు నేర్పాననే చంద్రబాబుకు సీఎం వైయస్ జగన్ మోహన్ రెడ్డి గుణపాఠం నేర్పి కుప్పానికే పరిమితం చేశారని వైయస్ఆర్సీపీ జాతీయ ప్రధాన కార్యదర్శి, ఎంపీ విజయసాయిరెడ్డి పేర్కొన్నారు. ఈ మేరకు శనివారం ఆయన ఓ పోస్టును ట్వీట్ చేశారు. సీఎం వైయస్ జగన్ మూడేళ్ల పాలనలో కుప్పాన్ని మున్సిపాలిటీ చేశారని, 40 ఏళ్ల అనుభవం అనే బాబు చేత కుప్పంలో ఇల్లు కట్టుకునేలా చేశారని ట్వీట్లో పేర్కొన్నారు. తలదించుకుంటే సరిపోతుందా? 3సార్లు CM అయినా కుప్పంను మున్సిపాలిటీ చేయలేక పోయావు. రెవిన్యూ డివిజన్ కోసం వైయస్ జగన్ గారిని ప్రాధేయపడి, నీవల్ల కాలేదని అంగీకరించావు. పక్క రాష్ట్రంలో ఇల్లు కట్టుకున్నావు. కుప్పం ఇప్పుడు గుర్తొచ్చిందా అని ప్రజలు నిలదీయారా బాబూ? అంటూ అంతకు ముందు ట్వీట్ చేశారు.
|
|