ట్రెండింగ్
ఆస్ట్రేలియన్ క్రికెట్ దిగ్గజం ఆండ్రూ సైమండ్స్ మృతి
sports | Suryaa Desk | Published : Sun, May 15, 2022, 10:56 AM
ఆస్ట్రేలియన్ మాజీ ఆల్ రౌండర్ ఆండ్రూ సైమండ్స్(46) మృతి చెందారు. క్వీన్స్‌లాండ్‌లో శనివారం జరిగిన కారు ప్రమాదంలో ఆయన దుర్మరణం పాలయ్యారు. టౌన్స్‌విల్లేకు 50కిలోమీటర్ల దూరంలోని హెర్వీ రేంజ్ వద్ద ఈ ప్రమాదం జరిగింది. రాత్రి 11 గంటల తర్వాత కారును హెర్వే రేంజ్ రోడ్‌లో, ఆలిస్ రివర్ బ్రిడ్జ్ సమీపంలో నడుపుతుండగా అది బోల్తా పడిందని అని క్వీన్స్‌లాండ్ పోలీసులు ఒక ప్రకటనలో తెలిపారు.
అత్యవసర వైద్య సేవలు అందించి, ఆండ్రూ సైమండ్స్‌‌ను బ్రతికించడానికి వైద్యులు ప్రయత్నించారు. అయినప్పటికీ ఆయన ప్రాణాలు పోవడంతో అంతా విషాదం నెలకొంది. ఆస్ట్రేలియా తరపున 26 టెస్టులు, 198 వన్డేలను సైమండ్స్ ఆడాడు. 2012లో అంతర్జాతీయ క్రికెట్‌కు వీడ్కోలు పలికాడు. సైమండ్స్ భౌతికకాయానికి మాజీ ఆస్ట్రేలియా కెప్టెన్ అలన్ బోర్డర్, ఇతర ప్రముఖ క్రికెటర్లు నివాళులర్పించారు.
|
|