మరోసారి నాటు సారాపై నిఘా పెట్టిన పల్నాడు పోలీస్
Andhra Pradesh Telugu | Suryaa Desk | Published : Tue, May 17, 2022, 11:49 AM
పల్నాడు జిల్లా, బెల్లంకొండ పోలీస్ స్టేషన్ పరిధిలో నాటుసారా స్థావరాలపై దాడులు జరిపి ఇద్దరు వ్యక్తులను అదుపులోకి తీసుకొని 300 లీటర్ల బెల్లం ఊటను ధ్వంసం చేసి, 10 లీటర్ల నాటుసారాను స్వాధీనం చేసుకున్నట్లు బెల్లంకొండ పోలీసులు తెలిపారు. అలానే జిల్లాలోని పలు చోట్ల మెరుపుదాడులు జరిపినట్లు తెలియచేసారు. అందులో భాగంగా వెల్దుర్తిపోలీస్ స్టేషన్ పరిధిలో నాటుసారా స్థావరాలపై దాడులు జరిపి ఒకరిని అదుపులోకి తీసుకుని, 600 లీటర్ల బెల్లం ఊటను ధ్వంసం చేసి, 20 లీటర్ల నాటుసారాను సీజ్ చేసి, అనంతరం గ్రామస్తులతో అవగాహన కార్యక్రమాన్ని నిర్వహించారు. అచ్చంపేట పోలీస్ స్టేషన్ పరిధిలో నాటుసారా స్థావరాలపై దాడులు జరిపి ఒకరిని అదుపులోకి తీసుకుని, 400 లీటర్ల బెల్లం ఊటను ధ్వంసం చేసి, 10 లీటర్ల నాటుసారాను సీజ్ చేసారు . మాచర్ల టౌన్ పోలీస్ స్టేషన్ పరిధిలోని వడ్డెర పాలెం గ్రామంలో SEB అధికారులతో కలిసి నిర్వహించిన తనిఖీలలో 40 లీటర్ల నాటుసారాను సీజ్ చేశారు.
|
|