ట్రెండింగ్
నరేంద్ర మోదీ నాయకత్వానికి నా కృతజ్ఞతలు: పవన్ కళ్యాణ్
Andhra Pradesh Telugu | Suryaa Desk | Published : Sun, May 22, 2022, 08:51 PM
పెట్రోల్, డీజీల్ పై సుంకాన్ని తగ్గించే దిశగా నిర్ణయం తీసుకోవడంపై ప్రధాని నరేంద్ర మోదీ నాయకత్వానికి నా కృతజ్ఞతలు అని జనసేన అధినేత పవన్ కళ్యాణ్ అన్నారు. పెట్రోల్ పై రూ.8, డీజిల్ పై రూ.6 మేర ఎక్సైజ్ సుంకాన్ని తగ్గిస్తూ కేంద్రం చేసిన ప్రకటనపై ఆయన పై విధంగా స్పందించారు. కేంద్రం తీసుకున్న ఈ నిర్ణయం సామాన్యుడికి ఎంతో ఊరటనిస్తుందని తెలిపారు. ఇంతటి మంచి నిర్ణయం తీసుకున్న ప్రధాని నరేంద్ర మోదీ నాయకత్వానికి కృతజ్ఞతలు తెలుపుకుంటున్నానని వివరించారు. ఈ నేపథ్యంలో ఏపీ ప్రభుత్వం కూడా పెట్రోల్, డీజిల్ పై వ్యాట్ తగ్గించాలని పవన్ కల్యాణ్ విజ్ఞప్తి చేశారు. అంతేకాదు, వర్షాకాలం రాకముందే రోడ్లకు మరమ్మతులు చేయించాలని కోరారు.
|
|