నరసరావుపేటలో గంజా పట్టువేత
Andhra Pradesh Telugu | Suryaa Desk | Published : Mon, May 23, 2022, 12:02 PM
పల్నాడు జిల్లా పరిధిలో ఎలాంటి అవాంఛనీయమైన ఘటనలు కానీ అక్రమ కార్యకలాపాలు కానీ జరగడానికి వీలులేదు అని ఇప్పటికే , జిల్లా ఎస్పీ మీడియా ముఖంగా తెలియచేసిన సంగతి తెలిసిందే. ఈ నేపథ్యంలో ప్రతిరోజు దాడులు నిర్వహిస్తూనే ఉన్నారు. పేకాట, నాటు సారా , అక్రమ మద్యం తరలింపు కేసులు ప్రతి రోజు పట్టుకుంటూనే ఉన్నారు. జిల్లా పరిధిలోని రౌడీ షీటర్స్ కి కూడా పిలిచి కౌన్సిలింగ్ ఇచ్చిన సందర్భం చూసాం. ఐనప్పటికీ అక్రమ మత్తు పదార్ధాల నిర్వహణ మాత్రం కొంత మేర గుట్టుచప్పుడు కాకుండా జరుగుతూనే ఉంది. కానీ వీటిపై కన్నేసిన పోలీస్ శాఖ తాజాగా నరసరావుపేట 2 టౌన్ పోలీస్ స్టేషన్ పరిధిలో గంజాయి విక్రయిస్తున్న వ్యక్తిని అదుపులోకి తీసుకొని, అతని వద్ద ఉన్న 400 గ్రాముల గంజాయిని సీజ్ చేసి కేసు నమోదు చేశారు. ఎటువంటి అక్రమాలకు పాల్పడిన తగిన శిక్షకు సిద్ధంగా ఉండండి అని ఈ సందర్భంగా హెచ్చరించారు.
|
|