ముఖఛాయను పెంచే శనగపిండి పేస్ ప్యాక్
Health beauty | Suryaa Desk | Published : Fri, May 27, 2022, 10:30 PM
ముఖ ఛాయను, అందాన్ని పెంచే అద్భుతమైన ఫేస్ ప్యాక్ లలో శనగపిండి ఫేస్ ప్యాక్ కు మించింది మరొకటి లేదు. కెమికల్స్ కు దూరంగా , సహజపద్ధతిలో అందమైన ముఖం కోసం శనగపిండితో ఒక్కసారి ఈ ప్యాక్ ను ట్రై చెయ్యండి. ఇందుకోసం మీ దగ్గర శనగపిండి, పాలు, పసుపు ఉంటే చాలు. రెండు స్పూన్ల శనగపిండికి అదే మొత్తంలో పచ్చి పాలను, కొద్దిగా పసుపును జత చేసి ముఖానికి పట్టించండి. ఆరిన తర్వాత చల్లటినీటితో ముఖం కడిగేసుకుంటే సరి. ఇలా తరచూ చేస్తూ ఉంటే తేడా మీరే గమనిస్తారు. శనగపిండి, బియ్యప్పిండి, రోజ్ వాటర్ కలిపి ముఖానికి రాసుకొని కాసేపు మర్దనా చేస్తే ముడతలు తగ్గుతాయి. శనగ పిండి, పాలు, నిమ్మరసం కలిపి ముఖానికి రాసుకుంటే కూడా మంచి ఫలితం ఉంటుంది. ఇందులో నిమ్మరసం ట్యాన్ ని తగ్గిస్తుంది. పాలు ముఖంపై పేరుకున్న మృతకణాలను తొలగిస్తుంది. మరియు ముడతలు తగ్గిస్తుంది. టేబుల్ స్పూన్ శనగపిండి, పెరుగు, పసుపు కలిపి ఫేస్ కి అప్లై చేసుకొని 15 నిమిషాల తరువాత కడిగేయాలి. ఇలా వారానికి రెండుసార్లు చేస్తే ముఖం కాంతివంతంగా మారుతుంది.
|
|