వాడ వాడల వేడుక గా తారక రాముడి శతజయంతి వేడుకలు
Andhra Pradesh Telugu | Suryaa Desk | Published : Sat, May 28, 2022, 03:57 PM
తెలుగు ప్రజల ఆరాధ్య దైవం స్వర్గీయ నందమూరి తారక రామారావు అని బాపట్ల నియోజకవర్గ తెలుగుదేశం పార్టీ ఇంచార్జ్ వేగేశన నరేంద్ర వర్మ అన్నారు. బాపట్ల పట్టణం లో తెలుగుదేశం పార్టీ కార్యాలయం లో స్వర్గీయ నందమూరి తారక రామారావు విగ్రహానికి పూల మాలలు వేసి నివాళులర్పించారు. అనంతరం పట్టణ తెలుగుదేశం పార్టీ నాయకులతో కలసి కేక్ కట్ చేశారు. అలాగే పాత బస్టాండ్ వద్ద గల స్వర్గీయ ఎన్ టీ ఆర్ విగ్రహనికి పూలమాలలు వేసి నివాళులర్పించి ముఠాయిలు పంచిపెట్టారు.
బాపట్ల మండలం కంకటపాలెం, అప్పికట్ల, భర్తీపూడి, గుడిపూడి గ్రామలలో స్వర్గీయ నందమూరి తారక రామారావు విగ్రహానికి పూల మాలలు వేసి నివాళులర్పించారు. అనంతరం కర్పూర హారతి ఇచ్చి అభిమానాన్ని తెలియజేసారు. గ్రామ నాయకులతో కలసి కేక్ కట్ చేశారు.
కర్లపాలెం మండలం కర్లపాలెం ఐ ల్యాండ్ సెంటర్ నందు స్వర్గీయ నందమూరి తారక రామారావు విగ్రహానికి పూలమాల వేసి నివాళులు అర్పించారు. మిఠాయిలు పంచి పెట్టారు.
పిట్టలవానిపాలెం మండలంలో పిట్టలవానిపాలెం తెలుగుదేశం పార్టీ కార్యాలయంలో నందమూరి తారకరామారావు చిత్రపటానికి పూలమాలలు వేసి నివాళులర్పించారు. ఈ కార్యక్రమం లో రాష్ట్ర నాయకులు, నాయకులు, కార్యకర్తలు, అభిమానులు తదితరులు పాల్గొన్నారు.
|
|