శ్రీశైలాని చేరుకున్న సుప్రీంకోర్టు న్యాయమూర్తి
Andhra Pradesh Telugu | Suryaa Desk | Published : Sat, May 28, 2022, 07:24 PM
ద్వాదశ జ్యోతిర్లింగాల్లో ఒకటైన శ్రీశైల క్షేత్రానికి సుప్రీంకోర్టు న్యాయమూర్తి జస్టిస్ ఉదయ్ ఉమేష్ లలిత్ శనివారం చేరుకున్నారు. శ్రీశైల భ్రమరాంబ మల్లికార్జున స్వామి అమ్మవార్ల దర్శనార్థం శ్రీశైల మహాక్షేత్రానికి విచ్చేసిన వీరికి శ్రీ భ్రమరాంబ అతిథి గృహంలో ఆంధ్రప్రదేశ్ హైకోర్టు ప్రధాన న్యాయమూర్తి జస్టిస్ ప్రశాంత్ కుమార్ మిశ్రా, నంద్యాల జిల్లా కలెక్టర్ మనజీర్ జిలాని సామూన్, జిల్లా జడ్జి రాధాకృష్ణ కృపా సాగర్, జిల్లా ఎస్. పి. రఘువీర్ రెడ్డి, శ్రీశైల దేవస్థాన కార్యనిర్వహణాధికారి లవన్నలు పుష్ప గుచ్చం అందజేసి మర్యాదపూర్వకంగా స్వాగతం పలికారు. కాగా ఆదివారం ప్రాతః కాల సమయంలో సుప్రీంకోర్టు న్యాయమూర్తి జస్టిస్ ఉదయ్ ఉమేష్ లలిత్ శ్రీ భ్రమరాంబ మల్లికార్జున స్వామి అమ్మవార్లను దర్శించుకొనున్నారు. ఇందుకు సంబంధించి జిల్లా అధికార యంత్రాంగం అన్ని ఏర్పాట్లు సిద్ధం చేసింది.
|
|