అందుకే నేను పురుషుడిగా ఉండాలని అనుకొంటున్నా: క్విన్ వెన్ జెంగ్
international | Suryaa Desk | Published : Tue, May 31, 2022, 02:20 PM
మహిళలకు సమాజంలో ప్రత్యేక స్థానముంటుంది. అదే సందర్బంలో వారికున్న కష్టాలు అన్నీ, ఇన్నీ కావు. అమ్మగా, చెల్లిగా, భార్యగా ఇలా పలు పాత్రలో ఒదిగే మహిళా అన్నింటా ఆమెకు బాధ్యతలే ఎక్కువ. పైగా తల్లిగా ఆమె పురిటినొపుళ్ల బాధనే కాదు రుతుక్రమంలో వచ్చే ఇబ్బందులు కూడా మహిళలను వెంటాడుతుంటాయి. ఈ క్రమంలోనే తాను మహిళగా కంటే పురుషుడిగా ఉండటానికే ఇష్టపడతానని తన జీవితంలో ఎదుర్కొన్న ఇబ్బంది నేపథ్యంలో చైనా క్రీడాకారిణి క్విన్ వెన్ జెంగ్ పేర్కొన్నారు.
రుతు సంబంధిత నొప్పి కారణంగా ఫ్రెంచ్ ఓపెన్ నుంచి తప్పుకోవాల్సి రావడంపై చైనా క్రీడాకారిణి క్విన్ వెన్ జెంగ్ విచారం వ్యక్తం చేసింది. తొలి సెట్ లో ఆమె బాగానే ఆడింది. కానీ రెండో సెట్ లో పొత్తి కడుపు భాగంలో తీవ్రంగా నొప్పి రావడంతో మెడికల్ టైమ్ అవుట్ ఆప్షన్ వినియోగించుకుంది. అప్పటికీ ఉపశమనం లేకపోవడంతో మ్యాచ్ ను ప్రపంచ నంబర్ 1, పోలండ్ క్రీడాకారిణి ఇగా స్వియాటెక్ కు కోల్పోయింది. రెండో సెట్ లో ఆమె కుడి కాలు కూడా పట్టేసింది.
‘‘అవును కాలు భారంగా మారిపోయింది. కానీ, కడుపు నొప్పి కంటే ఇది తక్కువే. నేను మ్యాచ్ ఆడలేను. కడుపులో చాలా నొప్పిగా ఉంది’’ అని ప్రపంచ టెన్నిస్ లో 74వ స్థానంలో ఉన్న జెంగ్ పేర్కొంది. రుతు సంబంధిత నొప్పి గురించి మాట్లాడుతూ.. మహిళలకే ఈ ఇబ్బంది అంటూ ఆవేదన వ్యక్తం చేసింది. ‘‘కోర్టులో పురుషుడిగా ఉండాలని అనుకున్నాను. కానీ, ఆ సమయంలో అది సాధ్యం కాలేదు. అందుకే నేను పురుషుడిగా ఉండాలని కోరుకుంటున్నాను. అప్పుడు అయితే ఈ ఇబ్బంది ఉండదుగా’’ అని జెంగ్ పేర్కొంది.
|
|