మీ ఇళ్లు..ఆఫీసుపై డేగ కన్ను వేయవచ్చు ఇలా...అందుబాటులోకి అధునాతన కెమెరాలు

మనం వేరే ఊరు వెళ్లితే ఒక్కటే బెంగ. మన ఇంటివద్ద, ఆఫీసు వద్ద ఏం జరుగుతుందన్నది మనలో తొలిచే ప్రశ్న. ఇకపై ఆ బేంగ అవసరంలేకండా చేస్తున్నాయి. ఆ కెమెరాలు. ఎక్కడ ఉన్నా మీ ఇల్లు లేదా ఆఫీస్‌పై ఈ కెమెరాల సహాయంతో ఓ కన్నేసి వుంచవచ్చు. ఎప్పుడు ఏం జరుగుతుందో తెలుసుకోవచ్చు. అయితే ఇందుకు స్మార్ట్ సెక్యూరిటీ కెమెరాలను ఉపయోగించాల్సి ఉంటుంది. ఈ సీసీటీవీ కెమెరాలో చాలా ఫీచర్లు ఉంటాయి. ఇళ్లు, ఆఫీస్‌లోని ప్రతీ మూలపై ఇవి ఓ కన్నేసి ఉంచగలవు. స్మార్ట్ సెక్యూరిటీ కెమెరాలు పూర్తి అడ్జస్టబుల్‌గా ఉంటాయి. అంటే ఏ వైపు అయినా తిప్పవచ్చు. వీటి డైరెక్షన్‌ను మీ మొబైల్‌ నుంచి కూడా మార్చవచ్చు. అలాగే సీసీటీవీ కెమెరా రికార్డింగ్‌ను మీ స్మార్ట్‌ఫోన్‌లోనే లైవ్‌లో చూడవచ్చు. అసలు స్మార్ట్ సెక్యూరిటీ కెమెరా అంటే ఏంటి..? ఎలా పని చేస్తుందో చూడండి..

స్మార్ట్ సెక్యూరిటీ కెమెరాలు వైర్‌లెస్‌ కెమెరాలుగా ఉంటాయి. వీడియో ఫుటేజ్‌ను రికార్డు చేయడంతో పాటు చాలా ఫీచర్లు ఉంటాయి. వందల కిలోమీటర్ల దూరంలో ఉన్నా ఈ స్మార్ట్ సీసీటీవీ కెమెరాలో రికార్డ్ అయ్యే వీడియోను లైవ్‌లో మీ మొబైల్‌లోనే చూడవచ్చు. ఇంటర్నెట్‌తో ఈ కెమెరాలు పని చేస్తాయి. ఇంట్లో వైఫై నెట్‌వర్క్‌ను ఈ కెమెరాలకు కనెక్ట్ చేయవచ్చు. ఇలా చేసి యాప్‌ ద్వారా ఎక్కడి నుంచైనా ఫుటేజ్ లైవ్ చూడవచ్చు. కంట్రోల్ కూడా చేయవచ్చు.

వైఫైకు కనెక్ట్ చేస్తే.. క్లౌడ్ బేస్డ్ యాప్‌ ద్వారా వీడియో ట్రాన్స్‌ఫర్ అవుతుంది. ఒక్కో కంపెనీ స్మార్ట్ సెక్యూరిటీ కెమెరాలకు డిఫరెంట్ యాప్స్ ఉంటాయి. ఈ సెక్యూరిటీ కెమెరాలను ఇంట్లో లేదా ఆఫీస్‌లో ఎక్కడైనా ఫిక్స్ చేయవచ్చు. ఆ తర్వాత యాప్‌ ద్వారా మీ స్మార్ట్‌ఫోన్‌, ల్యాప్‌టాప్, ట్యాబ్‌కు కనెక్ట్ చేసుకోవచ్చు. ప్రపంచంలోని ఏ మూలనుంచైనా లైవ్ ఫుటేజ్ చూడవచ్చు. అయితే ఇందుకు ఇంటర్నెట్ కనెక్ట్ అయి ఉండాలి. అలాగే చాలా సెక్యూరిటీ కెమెరాల్లో మోషన్ డెటెక్షన్ అలెర్ట్ ఫీచర్ కూడా ఉంటుంది. అంటే రికార్డింగ్‌లో ఏమైనా కదలిక నమోదైతే ఫోన్‌కు అలెర్ట్ కూడా వస్తుంది. మైక్రో ఎస్‌డీ కార్డ్ స్లాట్, క్లౌడ్ స్టోరేజ్ ఆప్షన్స్ కూడా ఉంటాయి.

స్మార్ట్ సెక్యూరిటీ వైర్‌లెస్‌ కెమెరాలు రూ.2వేల నుంచి అందుబాటులో ఉన్నాయి. ఫ్లిప్‌కార్ట్‌, అమెజాన్‌లో టీపీ లింక్ బ్రాండ్‍ స్మార్ట్ కెమెరా ధర రూ.2,499గా ఉంది. అలాగే ఎంఐ 360 హోమ్ సెక్యూరిటీ కెమెరా ఈ విభాగంలో చాలా పాపులర్ అయింది. దీని ధర రూ.2,999గా ఉంది.